Олон жилийн турш зүрхний шигдээс, цус харвалтаас урьдчилан сэргийлэхийн тулд тогтмол аспирин хэрэглэхийг зөвлөдөг байсан. Тэгвэл эрдэмтэд ихэнх эрүүл хүмүүст энэ эмийг хэрэглэх нь төдийлөн ач тусаа өгөхгүй байгааг, мөн энэ нь нас ахих тусам ходоод болон тархинд цус алдах эрсдэлд хувь нэмэр оруулдаг гэж үзжээ.

АНУ-ын Урьдчилан сэргийлэх үйлчилгээний ажлын хэсэг бага тунгаар аспирин хэрэглэх зөвлөмжийг эцэслэн гаргасан бөгөөд одоо ихэнх тохиолдолд 60-аас дээш насны хүмүүс зүрхний өвчнөөс урьдчилан сэргийлэх зорилгоор өдөр бүр аспирин ууж шаардлага байхгүй.

Хэрэв та 40-59 насных бол тодорхой нөхцөлд өдөр бүр аспирин уух эсэхийг та эмчтэйгээ зөвлөлдсний эцэст хэрэглэж болох ба энэ зөвхөн таны сонголт байх юм.

Зүрх судасны анагаах ухааны тэнхимийн эрхлэгч Доктор Стивен Ниссен "Хэрэв та үнэхээр эрүүл, 40 настай ямар ч эрсдэлт хүчин зүйлгүй бол өдөр бүр аспирин тогтмол уух нь сайнаас илүү их хор хөнөөл учруулах болно. Цус алдах эрсдэл чинь ашиг тусаасаа давах болно" гэв.  Мөн тэрээр "Аспирин бол бүрэн хоргүй, гэмгүй эмчилгээ биш гэдгийг хүмүүс ойлгох хэрэгтэй" гэлээ. 

Мөн "Хоёрдогч урьдчилан сэргийлэхэд аспирин чухал. Хэрэв та стенттэй бол, зүрхний шигдээс эсвэл цус харвалттай бол эдгээр бүх хүмүүст аспирин үр дүнтэй байдаг. Энэ нь бага зэрэг боловч тодорхой ашиг тустай" юм.

Б.Бүжлхамаа

www.cnn.com