Олон хоногийн үргэлжилсэн жагсаалаас шалтгаалан Шри Ланкийн Ерөнхий сайд Махинда Ражапакса огцорлоо.
Энэхүү үйл явдал түүний эрх баригч гэр бүлд хүнд цохилт болж байна. Ерөнхий сайдын төрсөн ах Готабая тус улсын ерөнхийлөгч хэвээр байгаа юм.
Шри Ланкийн улс төрд бараг хорин жилийн турш ноёрхсон гэр бүлийг эдийн засгаа буруу удирдаж, уналтад орсон гэж буруутгаж байна. Тус улсад хүнсний үнэ өсөж, эм, түлш, цахилгаан зэрэг наад захын хэрэглээний хомсдол үүссэн тул нөхцөл байдлаас улбаалан иргэд тэмцэж байгаа. Уг эсэргүүцлийн жагсаалыг Шри Ланкчууд хэдэн сарын турш зохион байгуулж байна.
Ражапакса болон түүний дэмжигчид нийслэл Коломбо хотод эсэргүүцэгчидтэй ширүүн мөргөлдөөн гаргаснаас хойш хэдэн цагийн дараа ийм алхам хийсэн байна.
Удаан үргэлжилсэн эмх замбараагүй байдал нь олон арван хүнийг шархдуулж, улс даяар хөл хорио тогтооход хүргэсэн билээ.
Мөн тус улс дампуурлаа зарласан. Одоо ашиглах боломжтой гадаад валютын нөөц нь 50 сая доллараас бага байгаа бөгөөд Шри Ланка Энэтхэг зэрэг холбоотнуудынхаа зээлийн шугамд үндсэн хэрэгцээгээ даатгаж байгаа аж.
Б.Бүжлхамаа
www.nytimes.com
