АНУ-ын Холбооны нөөцийн сан (ХНС) бодлогын хүүгээ 0.75 нэгж хувиар өсгөсөн нь 1994 оноос хойшхи хамгийн том өсөлт боллоо.

Үүний дараа арилжааны томоохон платформ S&P 500 хувьцааны ханш 1.4 хувиар өссөн байна.  

Энэхүү түрэмгий алхам нь сүүлийн 40 жилд хамгийн хурдацтай явагдаж буй инфляцийн эсрэг яаралтай тэмцэж байгааг харуулж байна. Бодлого боловсруулагчид АНУ-ыг гүн хямралд оруулахгүй байхын төлөө тэмцэж байгаа тул хүүг цаашид нэмэгдүүлэхийг хэлсэн байна.

ХНС-ын бодлого нь эдийн засагт хэрхэн нөлөөлнө гэж үзэж байгаагийн нэг илрэл болгон ажилгүйдлийн түвшин энэ онд 3.7 хувь, 2024 он гэхэд 4.1 хувь болж өснө гэж албаныхан таамаглав. Мөн бодлого боловсруулагчид зээлийн зардлыг огцом өсгөснөөр мөн эдийн засгийн эрэлтийг боомилж, эдийн засгийн өсөлт мэдэгдэхүйц удааширна гэв.

2022 оны эцэс гэхэд зээлийн хүү 3.4 хувьд хүрч, 2008 оноос хойших хамгийн өндөр төвшинд хүрнэ гэж тус банк тооцоолжээ.

Ерөнхийлөгч Байден үнийн өсөлтийг удаашруулахын тулд Хятадын барааны зарим гаалийн татварыг буцаах талаар бодож байгаа ч үр дүн нь бага байх магадлалтай.

Намраас хойш криптовалютны зах зээлийн нийт үнэ 65 орчим хувиар буурч, уналт энэ салбарыг доргиож байна.

Б.Бүжлхамаа

www.nytimes.com