Либерал ардчилсан нам болон тэдний түншүүд өчигдөр намын дарга асан Абэ Шинзо алагдсанаас хоёр хоногийн дараа Японы парламентын гуравны хоёрыг бүрдүүлж, супер олонхи болох хангалттай суудал авчээ.
Энэхүү бүрэн эрх нь хууль тогтоогчдод Абэгийн олон жилийн турш баримталж ирсэн энх тайванч үзэлтэй дайнаас татгалзсан Үндсэн хуулийн заалтыг шинэчлэх амбицыг хэрэгжүүлэх шинэ боломжийг олгоно.
Мөн сонгуулийн үр дүн нь Японы Ерөнхий сайдаар хамгийн удаан ажилласан Абэ хэдийгээр 2020 онд огцорсон ч улс төрийн чиглүүлэгч хүчин хэвээр байсны тод илрэл байв. Гэвч түүнгүйгээр парламентын хүнд хэцүү үйл явцыг хянан засварлах хүсэл эрмэлзэл суларч магадгүй юм.
Үндсэн хуульд нэмэлт, өөрчлөлт оруулах төлөвлөгөө олон нийтэд таалагдахгүй удаж байна. Инфляцийн дарамт нэмэгдэж, иений ханш суларч, Украины дайн эрчим хүчний хомсдол, коронавирусийн халдвар тархах болгоомжлолыг нэмэгдүүлж байгаа энэ үед энэ ялалт нь урьд өмнөхөөсөө илүү их чармайлт шаардах болно.
Аллагатай холбоотой мэдээллийн тухайд цагдаа нар сэжигтэн болон түүний сэдлийн талаар бараг мэдээлэл өгөөгүй болов ч, Абэгийн хамгаалалтын аюулгүй байдал алдаатай байсныг хүлээн зөвшөөрсөн байна.
Б.Бүжлхамаа
