Өнгөрсөн долоо хоногт "Армия-2022" гэсэн чуулгын нээлт дээр Оросын Ерөнхийлөгч Владимир Путины хэлсэн үг нь Баруунд ширүүн сануулга болсон ба тэднийг өөрсдийн төлөвлөгөөг өөрчлөхөд хүргэх албадлага боллоо хэмээн Daily Express сонины тоймч Мэтью Дули бичжээ.

Өөрийн материалд тэр, оросын зэвсгийн олон төрөл гадаадын ижил төрлийн зэвсгүүдээс арван хэдэн жилээр түрүүлсэн гэсэн Владимир Путины үгийг дүгнэн судалжээ. Оросын Ерөнхийлөгч гадаадын холбоотнууддаа сонирхолтой санал дэвшүүлсэн ба Мэтью Дули Путины үгнээс Баруунд зориулсан цаад утгыг олж харжээ. Сэтгүүлч тэр сануулга нь АНУ ба ЕХ-ны лидерүүдэд байгаа төлөвлөгөөг таслан, тухайн төлөвлөгөөгөө эргэн харахад хүргэх болно гэжээ.

"Путин өөрийн холбоотнуудад шинэ зэвсэг нийлүүлэхэд бэлэн гэж мэдэгдсэн нь цаад утгаараа Баруунд өгсөн ширүүн сануулга" гэж сэтгүүлч онцлов.

Барууны орнууд Иран, Умарт Солонгос зэргийн орнуудад хүчтэй, орчин үеийн зэвсэгтэй болоход нь эртнээс саад тавихыг оролдож ирсэн гэдгийг тэр хэлэв.

"Путин оросууд эдгээр орнуудыг орчин үеийн зэвсгээр зэвсэглэхэд бэлэн гэдгийг ойлгуулж байна" хэмээн тоймч тэмдэглэв.

Холбоотнууддаа санал болгож буй зэвсэгт буудлагын, хуягт танкийн, их буу ба нисэхийн зэвсгүүд байгаа. Эдгээр зэвсгийн чанар нь байлдааны нөхцөлд туршигдан батлагдсан юм.

Оросын холбоотнуудын дунд Венесуэла, Куба байгааг тэр хэлэхдээ, Куба нь америкийн Майами хотоос 144 километрт оршдог гэдгийг бас онцлов.

"Армия-2022" чуулга дээр оросын зэвсэг авч болох далаад орнууд байсныг хэвлэлд бас дурьджээ. Барууны хоригийн улмаас оросын зэвсгийн экспорт өөрчлөгдсөн. Гэхдээ үндсэн түншүүд нь үлдэж харин Индонези мэтийн хэсэг орнууд салсан байна.

М.ЦОГТ