Нидерланд улсын Үндэсний архивын газар саяхан дэлхийн хоёрдугаар дайны үед нацистуудын нуусан алт эрдэнэс байгаа гэх газрын зургийг нийтэд ил болгожээ.

Дайн дуусахын өмнөхөн буюу 1945 оны дөрөвдүгээр сард Нидерландын зүүн бүсийн Арнхэм хот холбоотнуудад бөмбөгдүүлэх үеэр тус хотын банкнаас их хэмжээний алт, үнэт эрдэнэс, зоос зэргийг Нацист Германы дөрвөн цэрэг сумны хайрцагт хийн зөөж, нэг газарт булсан гэх түүх бий. Нуусан эд зүйлсийн үнэлгээ нь өнөөгийн ханшаар 19.1 сая доллар хүрнэ гэсэн тооцоо байдаг аж.

Зурагт зааснаар Бурен хотын ойролцоох Оммерен тосгоны дэргэд эрдэнэсийг нуусан гэж үзэж байжээ. Харин Үндэсний архивын ил болгосон газрын зурагт ч энэхүү газарт зурсан байна.

Эрдэнэсийг эрж хайх ажлыг өмнө нь хэд хэдэн удаа хийж байсан ч олж байгаагүй аж. Харин газрын зургийг нийтэд ил болгосон нь эрдэнэсийн эрэлчдийн анхаарлыг дахин татаж байна.

Үүнтэй холбоотойгоор Бурен хотын захиргаа вэбсайтдаа анхааруулга гаргасан байна.

Тодруулбал, Энэ газар дэлхийн хоёрдугаар дайны фронтод ойрхон байгааг мэргэжилтнүүд онцолж байна. Тиймээс тэнд газар ухвал дэлбэрээгүй бөмбөг, мина, гранат байж болзошгүй тул маш аюултай юм. Ийм шалтгаанаар бид нацистуудын нуусан эрдэнэсийг хайхгүй байхыг зөвлөж байна гэжээ.

Эх сурвалж: Business Insider