Израилийн өөрийгөө хамгаалах арми ЦАХАЛ-ын төлөөлөгч, ХАМАС-ын дайчид хүүхэд нялхасын толгойг тасалсан гэх мэдээлэл байхгүй гэдгийг хэллээ.
"Бид мэдээнээс үүнийг сонссон, гэхдээ бидэнд үүнийг батлах тодорхой баримт байхгүй” гэж ЦАХАЛ-ын төлөөлөгч хэлжээ.
Израильд толгойг нь авсан хүүхдүүдийн талаар юу ярив
Израилийн өмнөд нутгийн Кфар-Аза кибуци гэх тосгоныг ХАМАС эзэлснийхээ дараа 200 орчим хүнийг хөнөөсөн гэжээ. Тэдний тоонд 40 хүүхдийн цогцос олдсон, зарим цогцосны толгойг нь тасдсан байсан гэж орон нутгийн хэвлэлд аравдугаар сарын 10-нд бичсэн байв.
“Израиль хүмүүсийн цогцсууд ба ХАМАС-ын дайчдын цогцсууд Кфар-Аза тосгоны шатсан байшингууд, шидэгдэн хаягдсан тавилгууд, шатаагдсан машинуудын дунд харагдана. Заримыг нь толгойг огтлон тасалжээ” гэж Израилийн сэтгүүлчид бичсэн байлаа.
Израилийн эмнэлэгийн алба палестины ХАМАС бүлэглэлийн халдлагаар 800 гаруй хүн амь үрэгдсэн гэж мэдээлжээ. Шархадсан израильчуудын тоо 2,5 мянгаас давжээ. Мэдээнд тэмдэглэснээр, хохирогчдын тоо нэмэгдэнэ учир нь хүчнийхэн нурсан барилгуудаас цогцосуудыг зөөсөөр байна гэжээ.
Харин армийн төлөөлөгч амиа алдагсадын тоог хэд гэж хэлэхэд хүндрэлтэй байна гэлээ.
“Кфар-Аза кибуцид гарсан хэрэг явдал нь яргалал болж байна. Эмэгтэйчүүд хөгшид, хүүхдүүдийг Исламын улсын террористуудын хэв жаягаар хядсан байв. ХАМАС ямар аймшгийн юм хийж чадахыг бид мэднэ” хэмээн армийн төлөөлөгч ярьжээ.
ХАМАС барьцааны хүмүүсийг цаазлана гэв
Палестины радикал хөдөлгөөний удирдлага олзолсон израильчуудыг цаазлана гэж заналхийлжээ.
Цаазлалтыг шууд эфирт үзүүлэх болно хэмээн сануулсан байна.
"Энэ агшнаас эхлэн энгийн хүмүүс тэдний орон гэрт сануулгагүй довтлох бүрт нь харамсалтай нь энгийн барьцааны хүмүүсийн амийг авна. Цаазлалтыг бид аудио ба видео бичлэгээр дамжуулна” гэж Абу Обайда ярьжээ.
М.ЦОГТ
