Украины арми ОХУ-ын Курск муж дахь Сейм голын дээр оршдог гурав дахь гүүрийг устгаснаа мэдэгджээ.

Тодруулбал даваа гаргийн шөнө Украины талаас тус хэсэгт бөмбөгдөж, Карыж тосгоны ойролцоо оршдог гүүрийг устгасан байна.

Энэ гүүр нь тус фронт дахь хамгийн сүүлийн чухал гарц байсан юм. Өнгөрсөн долоо хоногт Украины цэргүүд Курск дахь стратегийн чухал ач холбогдолтой хоёр ч гүүрийг устгасан.

Өөрөөр хэлбэл тус гүүрүүдийг Кремлиэс цэргүүдэд тусламж илгээх зориулалтаар ашиглаж байсан юм. 

Ингэснээр Украины зэвсэгт хүчин хоёр долоо хоногийн өмнө гэнэтийн довтолгоогоор эзэлсэн Суджа хотоос урагш давшлахад бэлэн болсон бөгөөд энэ нь амжилттай болбол 700 км.кв нутаг дэвсгэрийг хяналтдаа нэмж оруулна.

Даваа гарагт Киевийн цэргүүл Курск дахь Снагост, Апанасовка гэсэн хоёр тосгоныг эзэлсэн. Украины давшилттай зэрэгцэн ОХУ-ын арми мөн Украины зүүн бүс нутагт довтолж, хэд хэдэн тосгон эзэлсэн хэмээн мэдэгдсэн.

Эх сурвалж: The Guardian