АНУ-ын Ардчилсан намын нэр дэвшигч Камала Харрис өөрийн өрсөлдөгч Дональд Трампаас залуу сонгогчид ба өнгөт арьстнууд, латин америк гаралтай сонгогчдын дунд илүүтэй дэмжлэгтэй байгааг Канадын Angus Reid Institute төвийн судалгаа харуулж байна.
Судалгаа харуулснаар асуугдагчдын 18-34 насныханы 59% ардчилагчийн төлөө байгаа бол Трампын төлөө дөнгөж 30% санал өгнө гэв. Мөн өнөөгийн дэд ерөнхийлөгчийг өнгөт арьстан сонгогчдын 67%, латин америкчуудын 57% дэмжиж байгаа бол Трампыг тус бүлгийнхний 16%-33% дэмжлээ.
Гэхдээ л цагаан арьстан сонгогчдын олонхи (51%) Трампыг илүү дэмжиж байна. Тэдний 39% нь л зөвхөн Харрисын төлөө гэжээ. Харин 54-өөс дээш насныхны 49% бүгд найрамдахчуудыг дэмжиж байгаа бол Харрисын төлөө 40% нь байна.
Санал асуулга Харрисыг асуугдагчдын 47% дэмжиж буйг харуулсан нь өмнөх сарын үзүүлэлтээс 3%-иар өсчээ. Трампын дэмжлэг энэ үеэр өөрчлөгдсөнгүй өмнөхийн адил 42%-тай байна.
Судалгааг наймдугаар сарын 19-23-ны хооронд америкчуудын сонгуулийн бүртгэлтэй 1758 хүний дунд явуулсан ба үр дүн нь нэмэх хасахын 2%-ийн хэлбэлзэлтэй.
АНУ-ын Ерөнхийлөгчийн сонгууль 2024 оны арваннэгдүгээр сарын 5-нд явагдана.
