Ливаны нийслэлийг Израиль есдүгээр сарын 20-нд буудах үеэр амь үрэгдэгчдын  тоо 45 хүртэл өслөө гэж Ливаны Эрүүлийг хамгаалах яам мэдээлсэн байлаа.
Израиль Ливаны нийслэлд шиитийн «Хезболла»  хөдөлгөөний дарга нарын нэг Ибрагим Акилийг устгахаар зорилготой цохилт  өгчээ. Хөдөлгөөн түүний амь үрэгдсэнийг мэдээлсэн ба еврейн улсын арми Акилийн хамт «Хезболлын» өндөр тушаалын дарга нар хөнөөгдсөнийг хэлжээ. Цохилтын дараа хотод орон сууцны хоёр байр нурсан.
Дараагийн өдөр нь Ливаны өмнөд нутагт шиитийн хөдөлгөөний 180 байгууламж, 100 пуужин харвагчийг усгаснаа ЦАХАЛ мэдээлжээ.
Израилийн армийн нисэх хүчний цохилтод өртөж байгаа Ливаны өмнөд нутагт амь үрэгдэгчдийн тоо 274 хүн болсон тухай Ливаны Эрүүл мэндийн  сайд Фирас Абьяд бас мэдэгдлээ.
Ливаны эмнэлэгүүдэд хүнд шархадсан олон хүн байгаа нь хохирогчдын тоог нэмэгдүүлж магадгүй.  Тодруулахад, есдүгээр сарын 23-ны өглөө Израилийн нисэх хүчин 2006 оноос хойших хамгийн өргөн цар хүрээтэй бөмбөгдөлтийг  хийжээ. Израилийн өөрийгөө хамгаалах хүчний  зүгээс лаванчуудад хандан “зэвсгийн агуулахууд байгаа районоос гарч явахыг сануулсан байв. Ливан НҮБ-д хандан Израилийн түрэмгийллийг зогсоохыг уриалж байна. Хэвлэлийн мэдээгээр Израиль Ливаны  эсрэг цэргийн хуурай замын ажиллагааг эхлүүлэн аюулгүйн бүс байгуулахыг хүсч байна.