Гадаадын иргэн, харьяатын газар 2024 онд иргэдэд төрийн үйлчилгээг хүртээмжтэй хүргэх зорилгоор 1800-1882 лавлах утасны үйлчилгээний шугамыг нэмэгдүүлж, өдөрт 350-450 үйлчлүүлэгчийн дуудлагад хариу өгчээ.

Үзүүлэлтүүдийн өсөлт

• 2024 онд 79292 иргэнд зөвлөгөө, мэдээлэл өгсөн нь өмнөх оноос 3.7 дахин өссөн үзүүлэлттэй байна.
• Биечлэн зөвлөгөө авсан иргэдийн тоо 10.8%-аар буурсан нь лавлах утасны үйлчилгээний хүртээмж нэмэгдсэнийг илтгэж байна.

Үйлчилгээний цагийн хуваарь

• Лавлах утас (1800-1882): Ажлын өдрүүдэд 08:15-16:00 цагийн хооронд энгийн тарифаар дуудлага хүлээн авч байна.
• Цахим хаяг: Ажлын бус цагаар visasection@immigration.gov.mn хаягаар хандах боломжтой.

Энэхүү үйл ажиллагаа нь иргэдийн цаг завыг хэмнэхээс гадна төрийн үйлчилгээг илүү хүртээмжтэй, үр дүнтэй хүргэхэд хувь нэмэр оруулсан байна.

Эх сурвалж: Гадаадын иргэн, харьяатын газар.