Хятад улс АНУ-аас импортолж буй шахмал хий, нүүрсний гаалийн татварыг 15%-д хүргэн нэмэгдүүлж буйгаа тус улсын Төрийн зөвлөл мягмар гарагт зарлажээ. Шинэ татварууд хоёрдугаар сарын 10-наас хэрэгжиж эхлэх бөгөөд мөн АНУ-ын нефть, хөдөлгүүрийн багтаамж өндөртэй автомашин, пикап, хөдөө аж ахуйн техникэд 10%-ийн тариф тогтоохоор болсон гэж Reuters мэдээллээ.

Үүнээс гадна, Хятад улс вольфрам, теллур, рутений, молибден агуулсан материалуудад экспортын хяналт тогтоож, тааламжгүй компаниудын жагсаалтаа өргөтгөн PVH (Calvin Klein брэндийн эзэмшигч), Illumina зэрэг компаниудыг нэмжээ.

Мөн Хятадын тал Google компанийг антимонополын хуулийг зөрчсөн гэх үндэслэлээр мөрдөн шалгах ажиллагааг эхлүүлсэн байна.

Энэ шийдвэр АНУ-ын импортын татварт хоёрдугаар сарын 4-нөөс хэрэгжиж эхэлсэн 10%-ийн нэмэгдэл тарифын эсрэг хариу арга хэмжээ болгож авсан гэж үзэж байна.

Үүний зэрэгцээ, АНУ-ын Ерөнхийлөгч асан Дональд Трамп Канадын Ерөнхий сайд Жастин Трюдотой хийсэн утасны ярианы дараа Канадын бараанд тогтоосон 25%-ийн татварыг 30 хоногоор хойшлуулсан бол Мексикт тавьсан тарифаа мөн ижил хугацаагаар сунгахаар шийдвэрлэжээ.

Цагаан ордны Үндэсний эдийн засгийн зөвлөхийн мэдэгдлээр, АНУ Мексик, Канад, Хятадын бараанд татвар нэмэх нь худалдааны дайн эхлүүлэх зорилготой бус, харин фентанил гэх мансууруулагч бодисын тархалтыг хязгаарлах арга хэмжээ хэмээн тайлбарласан байна.

Эх сурвалж: Iz.ru