Бүгд Найрамдах Ардчилсан Конго Улсын (БНАКонго) зүүн нутагт M23 босогчдын эвсэл болон Конгын армийн хоорондын мөргөлдөөн тасралтгүй үргэлжилсээр байна. Өмнөд Киву мужийн төв Букаву хот ням гарагт босогчдын хяналтад орсон тухай DW мэдээлэв.

Нөхцөл байдал

🔹 M23 босогчдын эзэлсэн газар нутаг урьд өмнө байгаагүй хэмжээнд хүрчээ.
🔹 Конгын армийн эсэргүүцэл сул байгааг Ройтерс онцлов.
🔹 Букавуд эмх замбараагүй байдал үүсэж, зах, дэлгүүрүүдийг дээрэмдсэн тухай оршин суугчид мэдээлжээ.
🔹 Босогчид стратегийн ач холбогдол бүхий Букаву нисэх онгоцны буудлыг эзэлсэн нь зүүн нутгийн хангалтад хүндрэл учруулах эрсдэлтэй.

Босогчдын үйлдэл ба үр дагавар

M23 босогчид хилийн Гома хотыг эзлэн авснаас хойш 3000 хүн амь үрэгдэж, 700 мянга орчим хүн дүрвэсэн гэж Конгын Засгийн газар мэдээлжээ. Олон улсын байгууллагууд гал зогсоохыг уриалсан ч үр дүнд хүрээгүй байна.

Конгын эрх баригчид M23 бүлэглэлийг хөрш Руандагаас дэмжлэг авдаг, ашигт малтмалыг хууль бусаар ашиглах сонирхолтой хөлсний арми гэж үзэж байгаа юм.

Эх сурвалж: DW, Reuters