Монгол Улсын Засгийн газрын 2024-2028 оны үйл ажиллагааны хөтөлбөрт тусгасны дагуу "Халамжаас хөдөлмөрт шилжих бодлоготой уялдуулан хөдөлмөр эрхлэлт, нийгмийн үйлчилгээний эрх зүйн орчныг шинэчилж, ядуурлыг бууруулах" чиглэлд Нийгмийн халамжийн тухай хуулийн шинэчилсэн найруулгын төслийг боловсруулжээ.
Хуулийн төсөл боловсруулах үйл явц
Ажлын хэсгийг Төрийн нарийн бичгийн дарга Л.Мөнхзул ахалж, судалгааны дэд ажлын хэсэгт судлаач, багш, төрийн болон төрийн бус байгууллагын төлөөлөл оролцсон байна.
Хуулийн шинэчилсэн найруулгын гол зохицуулалтууд
- Хүүхэд, гэр бүлд чиглэсэн үйлчилгээг нийгмийн халамжийн бодлогоос тусгаарлах
- Хөдөлмөр эрхлэлттэй уялдуулан халамжийг чиглүүлэх, өрх, иргэдийг ядуурлаас гаргах
- Ядуу, эмзэг бүлгийн өрх, иргэдийн амьжиргааг дэмжих, бие даан амьдрах боломж бүрдүүлэх
- Бэлэн мөнгөний бус үйлчилгээнүүдийг нэмэгдүүлэх
Хэлэлцүүлэг, санал авах үйл явц
- 2025 оны 1-р сарын 29-нд хуулийн төслийг төрийн бус байгууллагууд, аймаг, дүүргийн Хөдөлмөр, халамжийн үйлчилгээний газар, хэлтсүүдийн дарга нарт танилцуулсан.
- 2025 оны 2-р сарын 4-нд олон улсын байгууллагуудтай хэлэлцүүлэг хийж, саналуудыг авсан.
Хаврын чуулганд өргөн мэдүүлэхээр төлөвлөж байна
Оролцогч талуудын саналыг тусган боловсруулсан Нийгмийн халамжийн тухай хуулийн шинэчилсэн найруулгын төслийг 2025 оны хаврын чуулганд өргөн мэдүүлэхээр ажиллаж байна.
Эх сурвалж: Монгол Улсын Засгийн газар
