Украины Ерөнхийлөгч Володимир Зеленский ням гарагт болсон хэвлэлийн хурлын үеэр хэрэв Украинд энх тайван тогтвол, эсвэл улсыг НАТО-д элсүүлбэл төрийн тэргүүний албан тушаалаасаа буухад бэлэн гэдгээ мэдэгдлээ.
"Хэрэв Украинд энх тайван тогтвол, хэрэв та нарт тийм их хэрэгтэй байгаа бол би албан тушаалаа өгөхөд бэлэн байна. Үүнээс гадна Украиныг НАТО-д элсүүлбэл би огцроход бэлэн" хэмээн Зеленский онцолсон байна.
Мөн тэрбээр өөрийн засаглалын гол зорилго нь Украины аюулгүй байдлыг хангах явдал гэдгийг тэмдэглэж, "Би Украины аюулгүй байдалд 20 жилийн дараа биш, яг одоо анхаарлаа хандуулж байна. Төрийн эрхэнд хэдэн арван жилээр байх хүсэл надад байхгүй" гэжээ.
АНУ-ыг Киев, Москвагийн хоорондын хэлэлцээнд зүгээр нэг зуучлагчийн үүрэг гүйцэтгэх биш, Украины үнэнч түнш байхыг хүсэж байгаагаа мөн дурдсан байна. "АНУ зүгээр нэг зуучлагчаас илүү үүрэг гүйцэтгээсэй гэж би үнэхээр хүсэж байна. Зуучлагчийн үүрэг бол хангалтгүй" хэмээн Зеленский мэдэгджээ.
Эх сурвалж: UNN
Сэтгэгдэл (4)