Японы Ерөнхий сайд Ишиба Шигэрү-г тойрсон бэлгийн эрхийн бичиг (ваучер)-тэй холбоотой дуулиан парламентын танхимд даваа гарагт үргэлжилжээ. Ерөнхий сайд эдгээр эрхийн бичгийг тараасан нь хууль зөрчөөгүй гэж мэдэгдсэн боловч сөрөг хүчний хууль тогтоогчид тайлбар шаардсан байна.
Энэхүү дуулиан энэ сарын эхээр болсон уулзалтаас үүдэлтэй. Ишиба эрх баригч Либерал Ардчилсан намын 15 хууль тогтоогчийг албан өргөөндөө оройн зоогт урьж, тэдний ажлын албадад тус бүр 675 ам.долларын үнэтэй бэлгийн эрхийн бичиг илгээжээ.
Асуудлын гол нь ийм төрлийн бэлэг улс төрийн санхүүжилтийг зохицуулах хууль зөрчсөн эсэхэд оршиж байна. Японы Улс төрийн санхүүжилтийг хянах тухай хууль улс төрийн бус үйл ажиллагаанд хандив өгөхийг хориглодоггүй ч, бэлгийн ваучер нь хуульд хэрхэн хамаарах нь тодорхойгүй хэвээр байна.
Ишиба уг оройн зоог нь улс төрийн үйл ажиллагаа биш байсан гэж мэдэгдэж, эрхийн бичгийг бэлэг дурсгалын зүйл хэмээн тайлбарлав. Гэсэн ч сөрөг хүчний хууль тогтоогчид Ерөнхий сайдаас албан ёсны тайлбар өгөхийг шаардсан байна.
Японы Үндсэн хуульт Ардчилсан нам парламентын хэлэлцүүлгийн үеэр Ерөнхий сайд хангалттай тайлбар өгөхгүй бол түүнийг Улс төрийн ёс зүйн комиссын хуралд дуудах болно гэж мэдэгджээ.
Эх сурвалж: NHK
