НҮБ-ын Аюулгүйн зөвлөлийн гишүүд Израилын Газын зурваст хийсэн агаарын цохилтын асуудлыг мягмар гарагт хэлэлцэж, олон улс гал зогсоох хэлэлцээрийг сэргээхийг уриалсан байна. Гэвч АНУ өөр байр суурь илэрхийлжээ.
Газын эрүүл мэндийн байгууллагын мэдээлснээр, уг цохилтын улмаас 404 хүн амь үрэгджээ.
Олон улсын байр суурь
Палестинаас НҮБ-д суугаа Байнгын төлөөлөгч Рияд Мансур:
- Палестинчуудыг хавтгайруулан хөнөөж, хүмүүнлэгийн тусламжийг боогдуулж, эрэмдэг зэрэмдэг болгож, баривчлах ажиллагаа эрчимжиж байна гэж мэдэгджээ.
- Их Британи, Франц, Оросын төлөөлөгчид түүнтэй санал нийлэн, байлдааны ажиллагааг нэн даруй зогсоохыг уриалсан байна.
Харин АНУ-ын Байнгын төлөөлөгчийн үүрэг гүйцэтгэгч Дороти Ши:
- ХАМАС бүлэглэл иргэний дэд бүтцийг хөөргөх талбай болгон ашигласаар байгаа нь тодорхой хэмээн буруутгаж, бусад улс орнууд ч үүнийг зэмлэх ёстой гэж мэдэгджээ.
- Израилын цохилт нь барьцаанд байгаа хүмүүсийг суллуулах шаардлагаар хийгдсэн гэж Израилын төлөөлөгч онцолсон байна.
ХАМАС-ын байр суурь
ХАМАС-ын улс төрийн товчооны гишүүн Басем Наим NHK-д өгсөн ярилцлагадаа:
- ХАМАС бууж өгөхгүй бөгөөд
- Израил, АНУ барьцаалагдсан хүмүүсийг суллуулахын тулд шахалт үзүүлэх нь буруу бодлого гэж мэдэгджээ.
- Израилын цэргүүд Газын зурвасаас бүрэн гарч, хэлэлцээнд оролцогчид сэргээн босголтын асуудлаар ярилцах үед л барьцаалагдсан хүмүүсийг суллана гэж Б.Наим онцолсон байна.
Энэхүү хэлэлцүүлэгт тодорхой шийдвэр гараагүй ч олон улсын зүгээс гал зогсоох хэлэлцээг сэргээх уриалга өрнөж, талуудын байр суурь зөрчилтэй хэвээр байгаа нь ажиглагдаж байна.
Эх сурвалж: NHK
