Улаанбаатар хотын их багтаамжийн нийтийн тээврийн шийдэл болох метро төслийн стратегийн зөвлөхөөр Их Британи, Умард Ирландын Нэгдсэн Вант Улсын Зам, тээврийн яамны харьяа “Crossrail International” компани ажиллаж байна.

Энэхүү компани нь Улаанбаатар метро төслийн хэрэгжилтэд дараах чиглэлээр оролцож байна:

• Гадаадын хөрөнгө оруулалт, санхүүжилт татахад дэмжлэг үзүүлэх

• Тендерийн баримт бичгийг олон улсын стандартад нийцүүлэх, нягтлах

• Мэргэжлийн зөвлөмж өгч, хяналт тавих

• Төслийг олон улсын хэмжээнд өрсөлдөх чадвартай болгох

Өчигдөр зохион байгуулсан уулзалтад:

• “Crossrail International”-ийн захирлууд Patrick TenHave, Alistair Thomson

• Төслийн зөвлөх үйлчилгээ үзүүлэгч “Dohwa Engineering” компанийн захирал Пак Юн Чул

• “Нэгдсэн төслийн удирдлагын газар”-ын захирал У.Баатар нар оролцож,

  • Тендерийн баримт бичгийн нягт нямбай байдал

  • Олон улсын компаниудын оролцоог хангах

  • Төслийн санхүүжилт, хөрөнгө оруулалтын сургалт зохион байгуулах талаар санал солилцжээ.

“Crossrail International” нь 2022 оны тавдугаар сард Лондон хотын метроны Элизабет шугамыг амжилттай ашиглалтад оруулсан туршлагатай бөгөөд
Австрали, АНУ, Канад, Хонг Конг зэрэг оронд метро, дэд бүтцийн төслийн стратегийн зөвлөхөөр ажиллаж ирсэн нэр хүндтэй байгууллага юм.

Эх сурвалж: Нэгдсэн төслийн удирдлагын газар