Авлигатай тэмцэх газрын Хяналт шалгалт, дүн шинжилгээний хэлтэс 2025 оны гуравдугаар сарын 24-28-ны өдрүүдэд нийт 858 нэр дэвшигчийн хувийн ашиг сонирхлын урьдчилсан мэдүүлгийг хянан шалгаж, 410-г нь шийдвэрлэжээ. Үлдсэн 448 нэр дэвшигчийн мэдүүлгийн хяналт үргэлжилж байна.
Мөн ХАСУМ хянуулалгүйгээр албан тушаалд томилогдсон 3 албан тушаалтанд Захиргааны ерөнхий хуулийн дагуу сонсох ажиллагаа явуулж, хариуцлага тооцохоор албан бичиг хүргүүлсэн байна.
Түүнчлэн иргэд, аж ахуйн нэгжүүдээс ирүүлсэн 72 гомдол, мэдээллээс 22-г хянан шийдвэрлэсэн ба Нийтийн албанд ашиг сонирхлын зөрчлийг зөрчсөн 3 албан тушаалтанд хариуцлага тооцох саналыг хүргүүлжээ.
Төлөвлөгөөт хяналт шалгалтаар 6 албан тушаалтны ашиг сонирхол болон хөрөнгө, орлогын мэдүүлгийг нягтлан шалгасан бөгөөд 2 албан тушаалтан үндэслэлгүй хөрөнгөжсөн байж болзошгүй нөхцөл байдал илэрсэн тул Эрүүгийн хуулийн 22.10 дугаар зүйлд зааснаар шалгалт үргэлжилж байна.
Эх сурвалж: Авлигатай тэмцэх газар.
