УИХ дахь МАН, АН-ын бүлэг өнөөдөр ээлжит бусаар хуралдаж байна. Хуралдаанд Ерөнхийлөгч У.Хүрэлсүх оролцож, Улсын ерөнхий прокурор Б.Жаргалсайханыг улираан томилуулах саналаа танилцуулна.
Бүлгийн хурлуудын дараа Хууль зүйн байнгын хороо хуралдаж, улираан томилох асуудлыг чуулганы нэгдсэн хуралдаанаар эцэслэн хэлэлцэнэ.
Б.Жаргалсайхан нь 2019 оны дөрөвдүгээр сарын 5-нд УЕП-оор томилогдсон, бүрэн эрхийн хугацаа нь 2025 оны дөрөвдүгээр сарын 5-нд дууссан. Хуулийн дагуу УЕП-оор томилох хүний нэрийг Ерөнхийлөгч УИХ-д оруулж, хэлэлцүүлдэг.
Б.Жаргалсайхан нь:
- 1988 онд Өвөрхангай аймгийн прокурорын газарт хяналтын прокурор
- 1991-1996 онд тус аймгийн прокурорын газарт ахлах прокурор, орлогч прокурор
- 1996-2000 онд аймгийн прокурор,
- 2000-2001 онд Улсын ерөнхий прокурорын газарт хяналтын прокурор,
- 2001-2009 онд Тээврийн прокурорын газарт тээврийн прокурор,
- 2009-2010 онд Улсын ерөнхий прокурорын газарт Хэрэг эрхлэх газрын дарга, 2011-2014 онд Тээврийн прокурорын газарт тээврийн прокуророор тус тус ажиллаж байжээ. Улмаар 2014-2016 онд Улсын ерөнхий прокурорын газарт Дотоод аюулгүй байдлын хэлтсийн дарга,
- 2016-2017 онд Улсын ерөнхий прокурорын газарт Тамгын орлогч прокуророор ажиллаж байсан бөгөөд 2017 оноос Улсын ерөнхий прокурорын газарт Зөрчил шалган шийдвэрлэх ажиллагаанд хяналт тавих хэлтсийн даргаар ажиллаж байгаад 2019 онд Улсын ерөнхий прокуророор томилогдсон.
