Өмнөд Солонгосын Ерөнхий сайд бөгөөд ерөнхийлөгчийн үүргийг түр гүйцэтгэгч Хан Док Сү ирэх ерөнхийлөгчийн сонгуульд нэр дэвшихийн тулд албан тушаалаасаа огцорч магадгүй тухай “Yonhap” агентлаг мэдээллээ. Засгийн газрын эх сурвалжийн мэдээлснээр, тэрээр өнөөдөр үдээс хойш огцрох шийдвэрээ албан ёсоор зарлаж магадгүй байна.
Түүний энэхүү шийдвэр нь улс төрийн хуваагдал, туйлшрал гүнзгийрсэн үед үндэсний эв нэгдлийг бэхжүүлэх төлөвлөгөөтэй нь холбоотой гэж мэдээлж байна. Хан Док Сү нь ямар нэгэн улс төрийн намд харьяалагддаггүй ч Ардчилсан намыг эсэргүүцэгч олон нийтийн дунд нэр хүндтэй хэвээр байгаа хэмээн “Yonhap” онцолжээ.
Өмнөд Солонгосын одоогийн ерөнхийлөгч асан Юн Сог Ёлийг Үндсэн хуулийн цэц дөрөвдүгээр сарын 4-нд огцруулах шийдвэр гаргаснаар тэрбээр бүрэн эрхээсээ татгалзсан. Түүнд өнгөрсөн оны сүүлчээр онц байдал зарлаж, улсад үймээн самуун өдөөсөн хэрэгт холбогдуулан эрүүгийн хэрэг үүсгэсэн бөгөөд эхний шүүх хурал дөрөвдүгээр сарын 14-нд болсон юм.
Шинэ ерөнхийлөгчийг сонгох санал хураалт зургаадугаар сард болох товтой байна.
Эх сурвалж: Yonhap
