Болгарын Сайд нарын танхимын ээлжит хуралдаанаар Монгол Улстай байгуулах агаарын харилцааны тухай хэлэлцээрийн төслийг баталлаа.
Энэхүү хэлэлцээрийн төсөл нь агаарын тээврийн салбарт хоёр тал хамтран ажиллахад шаардлагатай хууль эрх зүйн үндсийг тавих зорилготой юм. Одоогийн байдлаар хоёр улсын хооронд шууд тогтмол нислэг үйлддэггүй гэж Засгийн газрын мэдээллийн алба мэдээлжээ.
Сайд нарын зөвлөл мөн Болгар, Монгол Улсын хооронд зорчигч, ачаа тээврийг авто замаар олон улсын хэмжээнд гүйцэтгэх тухай хэлэлцээрийн төслийг баталлаа. Зорчигч болон ачаа тээврийн урсгал нэмэгдэж, бодит өрсөлдөөн бий болсноор нислэгийн үнэ буурч, мөн агаарын тээвэртэй холбоотой дэд бүтэц хөгжихийн зэрэгцээ аялал жуулчлалын салбарыг дэмжих боломж бүрдэнэ.
Энэ нь хоёр улсын авто тээврийн салбар дахь анхны хэлэлцээр бөгөөд одоогийн зохицуулалтын хоосон орон зайг нөхөх зорилготой юм. Уг хэлэлцээрийг байгуулснаар олон улсын авто замын тээвэр эрхлэх зөвшөөрлийг солилцох боломжтой болно.
