БОУАӨ-ийн сайд С.Одонтуяа, Сангийн сайд Б.Жавхлан, Монголын Байгалийн өв сангийн удирдах зөвлөлийн дарга М.Болдоо нар байгаль хамгааллын салбарт гүйцэтгэлд суурилсан санхүүжилтийн тогтолцоог нэвтрүүлэх зорилгоор хамтран ажиллах санамж бичигт гарын үсэг зурлаа.
Энэхүү санамж бичиг нь Монгол Улсын Засгийн газар, Дэ Нэйче Консерванси (The Nature Conservancy) болон Монголын Байгалийн өв сангийн хооронд 2024 оны дөрөвдүгээр сард байгуулсан “Өнө мөнхийн Монгол” хөтөлбөрийн хүрээнд хийгдэж буй чухал алхам юм.
Талууд ирэх дөрвөн жилийн хугацаанд байгаль орчны салбарт дараах чиглэлээр хамтран ажиллахаар тохиролцжээ:
-
Үр дүнд суурилсан төсөвлөлт, тайлагналын тогтолцоог нэвтрүүлэх
-
Биологийн олон янз байдлын төсвийн санхүүжилтийн шинэ арга хэрэгслүүдийг бий болгох
-
Холбогдох хууль, эрх зүйн орчныг боловсронгуй болгох
Энэхүү шинэ тогтолцоо нэвтэрснээр байгаль хамгааллын санхүүжилт нь илүү олон талын эх үүсвэртэй, хариуцлагатай, ил тод болох бөгөөд байгаль орчныг хамгаалах үйл ажиллагааны үр нөлөөг дээшлүүлэх, бодлогын хэрэгжилтэд хяналт тавих боломжийг нэмэгдүүлэх юм.
Эх сурвалж: БОАЖЯ, Сангийн яам, Монголын Байгалийн өв сан
