Өнөөдөр буюу 2025 оны 6-р сарын 18-ны өдөр Монгол Улсын Их Хурлын байнгын болон дэд хороод хуралдаж, хэд хэдэн чухал асуудлыг хэлэлцэхээр товложээ. Хуралдаанууд бүгд “Их Эзэн Чингис хаан” танхимд болох юм.

Аж үйлдвэржилтийн бодлогын байнгын хороо

• Цаг: 10:00
• Хэлэлцэх асуудлууд:
  • Байнгын хорооны тогтоолын төсөл /Ажлын хэсгийн бүрэлдэхүүнд өөрчлөлт оруулах тухай/.
  • “Тавантолгой түлш” ХХК-ийн үйлдвэрлэл, технологийн үйл ажиллагааны талаар шалган судлах, холбогдох санал, дүгнэлт гаргах, шийдвэрийн төсөл боловсруулах үүрэг бүхий хянан шалгах ажлын хэсгийн санал, дүгнэлт.
  • Өрхийн, бичил, жижиг, дунд үйлдвэрлэлийг дэмжих, хөгжүүлэх бодлогын хүрээнд холбогдох санал, дүгнэлт гаргах, шийдвэрийн төсөл боловсруулах үүрэг бүхий ажлын хэсгийн санал, дүгнэлт.

Хууль зүйн байнгын хороо

• Цаг: 12:00
• Хэлэлцэх асуудлууд:
  • Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл (Засгийн газар 2024.12.27-ны өдөр өргөн мэдүүлсэн, анхны хэлэлцүүлэг).
  • Эрүүгийн хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүд (Улсын Их Хурлын гишүүн Х.Тэмүүжин нарын 20 гишүүн 2025.05.30-ны өдөр өргөн мэдүүлсэн, хэлэлцэх эсэх).
  • Байнгын хорооны тогтоолын төсөл /Ажлын хэсэг байгуулах тухай/.

Нийгмийн бодлогын байнгын хороо

• Цаг: 14:00
• Хэлэлцэх асуудлууд:
  • Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл (Улсын Их Хурлын гишүүн Б.Түвшин нарын 41 гишүүн 2025.05.09-ний өдөр өргөн мэдүүлсэн, хэлэлцэх эсэх).
  • Нийгмийн даатгалын үндэсний зөвлөлийн 2024 оны үйл ажиллагааны тайлан.
  • Байнгын хорооны тогтоолын төсөл /Нэр дэвшигчийн сонсголын тов тогтоох, сонсгол даргалагчийг сонгох тухай/.

Төсвийн зарлагын хяналтын дэд хороо

• Цаг: 16:00
• Хэлэлцэх асуудлууд:
  • Төсвийн ерөнхийлөн захирагч нарын 2024 оны урсгал зардлын "Бусдаар гүйцэтгүүлсэн ажил, үйлчилгээний төлбөр, хураамж"-ийн зарцуулалтын талаар Сангийн яам, Үндэсний аудитын газар болон холбогдох бусад байгууллагын мэдээллийг сонсох.

Эх сурвалж: УИХ-ын Тамгын газар