"Свитч Азиа" тэтгэлэгт хөтөлбөрийн хүрээнд Европын холбооны санхүүжилтээр хэрэгжиж буй “Ургамлын аргаар идээлүүлсэн Монгол сарлагийн арьс шир ба арьсан бүтээгдэхүүний кластерийн био-арьс болон био-арьсан бүтээгдэхүүн үйлдвэрлэх чадавхыг бэхжүүлэх төсөл”-ийн кластерийн гишүүд МҮХАҮТ болон Монголын Арьс Шир Үйлдвэрлэгчдийн Холбоо хамтран Европын өдөрлөгт оролцлоо.
Өдөрлөгийн үеэр арьс шир боловсруулалтын үйл явц тэр дундаа ургамлын аргаар арьс ширийг идээлүүлэх технологийн танилцуулга болон байгаль орчинд үзүүлэх нөлөөллийн талаар олон нийтэд таниулан сурталчиллаа. Мөн төслийн кластерийн гишүүд “Дархан Минж” ХХК, “CHIG” ХХК, “Арилдий” ХХК, “ONLY ONE” бренд болон “Ingra Shoes” ХХК-ийн бараа бүтээгдэхүүнийг танилцуулав.
Тус өдөрлөг нь Европын холбооны гишүүн орнуудын боловсрол, соёл урлаг, бараа бүтээгдэхүүн болон Монгол Улсад хэрэгжүүлж буй төсөл хөтөлбөрүүдийн талаар олон нийтэд сурталчилан таниулах зорилготойгоор зохион байгуулагдсан юм.
