Билгийн тооллын XVII жарны “Элдэв эрдэмт” модон могой жилийн сар шинийн баярт зориулсан үндэсний бөхийн цуврал барилдаан маргааш эхлэх гэж байна.
Монголын Үндэсний Бөхийн Холбооноос энэ удаагийн сар шинийн баярт зориулан зургаан цуврал барилдаан зохион байгуулахаар төлөвлөсөн бөгөөд эхний барилдаан Монгол бөхийн өргөөнд болно. Энэ удаагийн барилдаанд 11-12, 13-14, 15-16 насны ангиллаар бөхчүүд зодоглох юм. Оролцогчдын тоонд хязгаарлалт тавихгүй бөгөөд бүртгэл маргааш өглөө 10:00 цагт эхэлнэ.
Бусад тэмцээн, барилдаанууд
- Сар шинийн баярт зориулсан шагайн харваа энэ сарын 23-нд зохион байгуулагдана.
- Улс, аймаг, сумын цолтой болон залуу бөхчүүдийн барилдаан дараах өдрүүдэд орон нутагт болох юм.
- Хоёрдугаар сарын 21-нд Өмнөговь, Увс аймагт
- Хоёрдугаар сарын 22-нд Швейцарт
- Хоёрдугаар сарын 23-нд Сүхбаатар, Хэнтий, Дархан-Уул аймагт
- Хоёрдугаар сарын 24-нд Дорнод аймагт
Энэ удаагийн барилдаанууд нь шинэ оны өнгө төрхийг тодорхойлох, залуу бөхчүүдийн ур чадварыг сорих томоохон боломж болж буйгаараа онцлог юм.
Эх сурвалж: Монголын Үндэсний Бөхийн Холбоо
