“Монгол Улсад эмчлэгддэггүй өвчлөлийг бууруулах бодлого”-ын хүрээнд Сэтгэцийн эрүүл мэндийн үндэсний төвийн (СЭМҮТ) хүүхдийн сэтгэцийн эмч нар Бүгд Найрамдах Турк Улсад аутизмын оношилгоо, үнэлгээний “ADOS-2” аргачлалын онол, дадлагын сургалтад хамрагдаж, тус стандарт аргачлалыг СЭМҮТ-д албан ёсоор нэвтрүүлж эхэллээ.
“ADOS-2” буюу Autism Diagnostic Observation Schedule-2 нь олон улсад хүлээн зөвшөөрөгдсөн, аутизмын хүрээний эмгэгийг оношлох өндөр нарийвчлалтай аргачлал юм. Энэ нь:
-
Асуулт, тодорхой даалгаврын дагуу хүүхдийн зан үйлийг ажиглах
-
Эмнэл зүйн шинж тэмдгийг бодитоор үнэлэх
-
Нас, хөгжлийн түвшинд тохирсон агуулгатай даалгавруудыг ашиглах
-
Харилцааны болон нийгмийн ур чадварыг оношлох
СЭМҮТ-ийн 2014 онд ашиглалтад орсон шинэ цогцолбор дахь Хүүхэд, өсвөр үеийн клиник нь 3–18 насны хүүхдэд зориулсан 20 ортой орчин үеийн тусламж үйлчилгээний орчин бүхий төв юм. Энэ шинэ аргачлалын нэвтрэлтээр аутизмын оношилгоо илүү нарийвчлалтай болж, оношлоход тулгардаг бэрхшээл багасч, оношилгоо, эмчилгээний үр дүн сайжрах хүлээлттэй байна.
Эх сурвалж: Эрүүл мэндийн яам.
