Орон сууцны үнийн индекс энэ оны гуравдугаар сард 1.27 болж, өмнөх оны мөн үеийнхээс 15, өмнөх сарынхаас 1.2 хувиар нэмэгдсэн байна.

Шинэ орон сууцны үнэ өмнөх оны мөн үеийнхээс 11.2, өмнөх сарынхаас 2.1 хувиар нэмэгдсэн бол хуучин орон сууцных өмнөх оны мөн үеийнхээс 17.4, өмнөх сарынхаас 0.9 хувиар өсжээ.

Тодруулбал, өнгөрсөн сард шинэ орон сууцны нэг метр квадрат талбайн дундаж үнэ 4.48 сая төгрөг болж, Сүхбаатар  дүүрэгт  хамгийн  их буюу  5.44 сая төгрөгийн үнэтэй байв. Шинэ орон сууцны дундаж үнийг өмнөх оны мөн үеийнхтэй харьцуулахад Сүхбаатар дүүрэгт 38.7 хувь (1515.8 мянган төгрөг)-аар нэмэгдсэн нь хамгийн их, Хан-Уул дүүрэгт 6.7 хувь (280.9мянган төгрөг)-аар өссөн нь хамгийн бага байсныг Үндэсний статистикийн хороо мэдээллээ.

Хуучин орон сууцны нэг метр квадрат талбайн дундаж үнэ дээрх сард 4.49 сая төгрөг болж, Сүхбаатар дүүрэгт хамгийн их буюу 5.63 сая төгрөгийн үнэтэй байв. Үнийг өмнөх оны мөн үеийнхтэй харьцуулахад Чингэлтэй дүүрэгт 37 хувь  (1   486 .4мянган төгрөг)-аар нэмэгдсэн нь хамгийн их, Хан-Уулдүүрэгт 16.3 хувь (  676.4мянган төгрөг)-аар нэмэгдсэн нь хамгийн бага байлаа.