Монгол Улс 2025 оны тариалалтын жилд нийт 650.1 мянган га талбайд тариалалт хийхээр төлөвлөж, улаанбуудайн 310.1 мянган га, төмсний 17.1 мянган га, хүнсний ногооны 16.5 мянган га, малын тэжээлийн 144.1 мянган га, тосны ургамлын 103.7 мянган га, жимс жимсгэнэ 7.9 мянган га талбайд тус тус тариална гэсэн зорилго тавиад байна.
Засгийн газраас баталсан “Атрын-IV тариалангийн тогтвортой хөгжлийн аян”-ын хүрээнд тариалалтын үйл ажиллагааг үе шаттай эрчимжүүлж, аймаг, сумдад зохион байгуулалтын арга хэмжээг авч хэрэгжүүлж байгаа юм. Энэхүү аяны гол зорилго нь ургацын бүтээмжийг нэмэгдүүлэх, тариаланчдын техник технологийн дэмжлэгийг сайжруулах, дотоодын хэрэгцээг хангахуйц чанартай хүнсний бүтээгдэхүүн үйлдвэрлэхэд чиглэж байна.
ХХААХҮЯ-наас мэдээлснээр 2025 оны зургаадугаар сарын 13-ны өдрийн байдлаар нийт тариалалтын явц улсын хэмжээнд 431.4 мянган га-д хийгдэж, төлөвлөгөөний 66.3 хувийг биелүүлжээ. Тодруулбал:
-
Улаанбуудай: 259.5 мянган га (83.7%)
-
Бусад үр тариа: 31.3 мянган га (61.9%)
-
Төмс: 10.2 мянган га (60.2%)
-
Хүнсний ногоо: 8.4 мянган га (51.2%)
-
Малын тэжээл: 26.1 мянган га (18.1%)
-
Тосны ургамал: 95.1 мянган га (91.6%)
Тариалалтын ажлын ид үе үргэлжилж байгаа энэ үед уур амьсгалын нөхцөл байдал, технологийн хугацаанд анхаарч, гүйцэтгэлийг бүрэн хангах нь улс орны хүнсний хангамжийн тогтвортой байдалд чухал нөлөөтэй гэж мэргэжлийн байгууллагууд онцолж байна.
Эх сурвалж: Хүнс, хөдөө аж ахуй, хөнгөн үйлдвэрийн яам.
Сэтгэгдэл (2)