АНУ-ын Ерөнхийлөгч Дональд Трамп Хятадын бараа бүтээгдэхүүнд өндөр татвар ногдуулах хугацааг даваа гарагт дахин 90 хоногоор хойшлуулсан талаар Цагаан ордны төлөөлөгч CNBC телевизэд мэдээлжээ. Эдгээр тарифыг мягмар гарагт хэрэгжүүлэхээр төлөвлөж байсан ч Ерөнхийлөгч Трамп зарлигт гарын үсэг зурж, хугацааг 11 дүгээр сарын дунд үе хүртэл сунгасан байна.
Шведийн нийслэл Стокхолмд долоодугаар сарын сүүлчээр болсон АНУ, Хятадын төлөөлөгчдийн хэлэлцээний дараа хугацааг сунгах нь тодорхой болсон гэж шинжээчид үзэж байв. Хэрэв сунгаагүй бол дөрөвдүгээр сард тогтоосон түвшинд татвар өсөх байв. Тухайн үед АНУ Хятадын импортод 145 хувь, Хятад улс АНУ-ын бараанд 125 хувийн татвар ногдуулсан ч тавдугаар сард Женевт болсон уулзалтаар ихэнх тарифыг түр хойшлуулж, АНУ татвараа 30 хувь, Хятад улс 10 хувь болгож бууруулжээ.
Шинэ шийдвэр нь АНУ-ын худалдааны бодлогыг бизнес эрхлэгчдийн хувьд улам таамаглах аргагүй болгож байгаа гэж ажиглагчид дүгнэж байна.
Эх сурвалж: CNBC
