АНУ-ын Гаалийн болон хилийн хамгаалалтын агентлагийн мэдээлснээр 1 кг болон 100 унцийн алтан гулдмайг гаалийн тарифт хамруулж, бусад импортын бараатай адил татвар ногдуулах шийдвэр гаргасан. Наймдугаар сарын 7-наас мөрдөгдөж эхэлсэн энэ арга хэмжээ нь ялангуяа Швейцарийн аффинажийн үйлдвэрүүдэд хүндээр тусч байна.

Швейцарь 2024 оны зургаагаас 2025 оны долоодугаар сар хүртэл $61.5 тэрбумын алт экспортолсон бөгөөд гол худалдан авагч нь Лондон, Нью-Йоркийн биржүүд юм. Гэвч АНУ Швейцарийн импортод 39%-ийн татвар тогтоосноор тус улсын өрсөлдөх чадвар буурч, алтны худалдааны бүтцийг өөрчлөх эрсдэл үүсэв.

Мэдээ гарснаас хойш алтны фьючерсийн үнэ унц тутамдаа $3534 болж өсч, спотын зах зээлд $3386 хүрлээ. Оны эхнээс алтны үнэ бараг 43%-иар өсөхөд татвар тогтоох тухай тодорхойгүй байдал, Трампын өргөн хүрээтэй тарифийн бодлого, мөн эдийн засгийн удаашралын эрсдэл нөлөөлжээ.

Хөрөнгө оруулагчдын хувьд алт нь уламжлалт “эрсдлээс хамгаалах хэрэгсэл” байх байр сууринаасаа ухарч, өөрөө тодорхойгүй байдлын хохирогч болох нөхцөл бүрдэж байна.

Эх сурвалж: Известия