Хятадын камер, стабилизатор үйлдвэрлэгч Insta360 компани ажилтнуудаа эрүүл амьдралд уриалах сонирхолтой челленж зарлажээ. Жингээ хассан тохиолдолд мөнгөөр шагнаж, харин нэмсэн бол торгууль ногдуулах дүрэмтэй энэ тоглоомын талаар City News Service мэдээлэв.
Челленжийн нөхцөл энгийн:
-
Хассан 500 грамм бүрт $70 олгоно.
-
Нэмэгдсэн 500 грамм бүрт $110-ийн торгууль ноогдуулна.
Уг хөтөлбөрт 99 ажилтан оролцож, нийтдээ 950 кг гаруй жингээ хасч, бараг $140 мянга хүртсэн байна. Тэдний нэг эмэгтэй 90 хоногийн дотор 20 кг турж $2,800 авчээ.
Одоогоор компанийн зүгээс хэн нэгнийг торгосон тохиолдол гараагүй гэнэ. Insta360 энэ ажлыг эрүүл амьдралын хэв маягийг дэмжих зорилгоор хэрэгжүүлсэн гэж мэдэгдсэн бөгөөд бичлэг нь Хятадын нийгмийн сүлжээнд сая гаруй үзэлттэй болжээ.
Эх сурвалж: Officelife.media
