АНУ-ын Ерөнхийлөгч асан Дональд Трампын гэр бүлийн шинэ криптовалют WLFI есдүгээр сарын 1-нд бирж дээр гармагц өндөр өсөлт үзүүлж, түүний хөрөнгийг нэг өдөрт түүхэн дээд хэмжээнд хүргэснийг The Wall Street Journal мэдээлэв. Арилжааны эхний тавхан минутын дотор токены үнэ $0.22-оос $0.46 болж 109 хувиар өссөн ч дараа нь засварлагдан $0.29-д тогтворжжээ. Энэ хөдөлгөөн Трампын хөрөнгийг нэг өдрийн дотор $5 тэрбумаар нэмэгдүүлсэн байна.

WLFI токеныг Трампын гэр бүлд харьяалагддаг World Liberty Financial платформ 2024 оны аравдугаар сард гаргасан бөгөөд бүх арилжааны ашгийн 75 хувь нь тэдэнд шууд очдог. Биржид гаргахын өмнө хөрөнгө оруулагчид $750 саяын токен худалдан авч, тэр үеэр Трампын гэр бүлд $500 сая орж байжээ. Одоогийн байдлаар тэд 22.5 тэрбум WLFI токен эзэмшиж байгаа нь зах зээлийн үнэлгээгээр $6 тэрбум гаруйд хүрээд байна.

Трампын энэ нэг өдрийн олсон хөрөнгө нь түүний бүх насны үл хөдлөх хөрөнгийн бизнесээс давсан гэж шинжээчид онцолжээ. Нью-Йорк дахь Trump Tower, Мар-а-Лаго эдлэн, Trump Park Avenue дахь люкс апартамент, худалдааны төв, Seven Springs эдлэн зэрэг үл хөдлөх хөрөнгүүд нийлээд оны эхэнд $1.6 тэрбумын үнэлгээтэй байв.

Эх сурвалж: The Wall Street Journal, OfficeLife.media