2025 оны аравдугаар сарын 1-нд “Ирээдүйд бэлэн боловсролын системтэй даяарчлалын индекс” (GEFRI)-ийн шинэчилсэн жагсаалтыг танилцуулжээ. Уг судалгаанд дэлхийн 217 орны боловсролын системийг үнэлж, шинэ эринд дасан зохицох чадварыг хэмжсэн байна.

Энэхүү индексийг Дэлхийн банк, ЮНЕСКО болон бусад олон улсын байгууллагын мэдээлэлд тулгуурлан гаргасан бөгөөд улс орнуудыг инноваци, дэд бүтэц, хүний нөөц, боловсролын хангамж зэрэг үзүүлэлтээр үнэлж, 0-100 хүртэл оноо өгчээ. Оноо өндөр байх тусам тухайн улс ирээдүйд илүү сайн бэлтгэгдсэн гэсэн үг юм.

Ирээдүйд хамгийн бэлтгэлтэй 10 улс:
Дани — 83.38 оноо

Өмнөд Солонгос — 80.56

Нидерланд — 80.52

Сингапур — 79.74

Швейцарь — 79.28

Гонконг — 79.17

Швед — 79.07

Австрали — 78.37

Финлянд — 78.28

Япон — 78.21

Харин жагсаалтын сүүлд Африкийн орнууд багтсан байна.

Хамгийн бага оноотой 10 улс:
Судан — 19.68

Либери — 19.64

Нигер — 19.64

Эритрей — 18.84

Афганистан — 18.59

Бурунди — 18.28

Сомали — 16.96

Чад — 14.02

Төв Африкийн Бүгд Найрамдах Улс — 12.86

Өмнөд Судан — 12.04

Монгол Улс 59.03 оноогоор жагсаалтын дунд хэсэгт бичигджээ. Хойд хөрш Орос 60.44 оноогоор дэлхийд 57-д, Европ ба Төв Азийн бүс нутагт 36-д орсон байна.

Монгол Улс боловсролын хүртээмжийн үзүүлэлтээр 85.19, боловсролын дижитал дэд бүтцээр 78.82 оноо авсан бол боловсролын удирдлагын чанараар ердөө 25.02 оноо авч, энэ үзүүлэлтээрээ харьцангуй доогуур үнэлэгдсэн байна.

Эх сурвалж: Vokrug Sveta