NHK агентлагийн мэдээлснээр, НҮБ-ын хориг арга хэмжээний хэрэгжилтийг хянадаг олон улсын MSMT баг Умард Солонгосын кибер халдлагын талаар шинэ тайлан гаргажээ. Тайланд дурдсанаар, тус улс 2024 оноос 2025 оны есдүгээр сар хүртэлх хугацаанд дэлхийн криптовалютын биржүүд рүү халдаж, нийт 2.8 тэрбум ам.долларын хохирол учруулсан байна.

Халдлага нь АНЭУ-ын “Bybit”, Японы “DMM Bitcoin” зэрэг дэлхийн томоохон биржүүдийг онилжээ. Түүнчлэн Умард Солонгосын хакерууд АНУ, Их Британи, Өмнөд Солонгос зэрэг орноос цөмийн байгууламж болон шумбагч онгоцны нууц мэдээлэл авахыг оролдсон бөгөөд Өмнөд Солонгосоос хулгайлсан технологийг пуужин, хиймэл дагуулын хөтөлбөртөө ашигласан гэж дүгнэсэн байна.

НҮБ-ын Шинжээчдийн зөвлөлийг Орос хориг тавьсны улмаас 2024 оны дөрөвдүгээр сард татан буулгасан ч MSMT багийг аравдугаар сард орлуулах зорилгоор байгуулсан юм. MSMT-ийн мэдэгдэлд “Умард Солонгос НҮБ-ын тогтоолуудыг үл тоон, хориг арга хэмжээ зөрчиж байгаа тул Шинжээчдийн зөвлөлийг хуучин бүтэц бүрэлдэхүүнээр нь дахин байгуулахыг уриалж байна” гэж онцолсон байна.

Эх сурвалж: NHK