Японы Үндэсний цаг уурын албанаас мэдээлснээр, тус улсад ойрын долоо хоногуудад дахин хүчтэй газар хөдөлж болзошгүй байна. Өнгөрсөн ням гаргийн орой Японы зүүн хойд нутагт 6.9 магнитудын хүчтэй газар хөдөлсөн бөгөөд анх 6.5 гэж мэдээлэгдсэн үзүүлэлтийг дараа нь хоёр удаа залруулжээ. Газар хөдлөлтийн нөлөөгөөр зүүн хойд эрэг орчимд 10 сантиметр орчим өндөртэй жижиг хэмжээний цунами үүссэн байна.
Одоогоор хүний амь нас, эд хөрөнгөд хохирол учирсан тухай мэдээлэл ирээгүй бөгөөд бүс нутгийн хурдны төмөр замуудыг түр хугацаанд зогсоосон байна. Японы цөмийн байгууламжуудад ямар нэгэн онцгой нөхцөл байдал үүсээгүй гэж албаныхан мэдээлэв. Газар хөдлөл судлаачдын үзэж буйгаар ням гаргийн газар хөдлөлттэй дүйцэхүйц хүчтэй доргилт дахин тохиолдох магадлал өндөр байгаа тул иргэдийг сонор сэрэмжтэй байхыг анхааруулсан байна.

Эх сурвалж: TASS