Өнөөдөр ЗГХЭГ-ын Дарга С.Бямбацогт, УИХ-ын Гишүүн Ц.Сандаг-Очир, Нийслэл, Дүүргийн удирдлагуудын хамт Багануур ХК-д ажиллаж, хэрэгжүүлж буй томоохон төсөл хөтөлбөр, тулгамдаж байгаа асуудлуудын талаар хэлэлцэж, санал хүсэлтийг нь сонсож зарим шийдвэрийг гаргалаа.

Монгол Улсын эрчим хүчний хэрэглээний 62 хувийг дангаараа бүрдүүлдэг Багануур ХК 762.8 сая тонн нүүрсний нөөцтэй.

2025 онд 4 сая 830 мянган тонн нүүрс олборлож, 268.2 тэрбум төгрөгийн орлого төвлөрүүлсэн байна.

2010 оноос хойш нүүрс олборлолтын хэмжээ жил бүр өсөн нэмэгдэж байгаа ч Багануур ХК санхүүгийн хувьд алдагдалтай ажиллаж байгааг Багануур ХК-ийн захирлын үүрэг гүйцэтгэгч Т.Отгонболд танилцууллаа.

Багануур ХК "Нүүрс-Пиролизын үйлдвэр" буюу "Хөх нүүрсний төсөл" хэрэгжүүлж эхэлсэн. Төслийн хүрээнд Багануурын нүүрсний уурхайд түшиглэн "Нүүрс химийн цогцолбор" байгуулахаар төлөвлөсөн билээ.

Нүүрс пиролизын үйлдвэрийн нэг дүгээр үе шатыг энэ ондоо ашиглалтад оруулж 0.5 сая.тонн хөх нүүрс үйлдвэрлэх төлөвлөгөөтэй байгаа юм. Өнгөрсөн жил миний бие Багануур ХК-д ажиллаж бүтээн байгуулалтын газрыг сонгож шийдвэрлэсэн. Нүүрс пиролизын үйлдвэр ашиглалтад орсноор жилд 600.0 мянган тонн хөх нүүр, 81.8 мянган тонн нам температурын давирхай үйлдвэрлэхээс гадна 40 МВт-ийн эрчим хүч үйлдвэрлэх боломжтой.

"Хөх нүүрс" төслийг хэрэгжүүлснээр:

-Хөх нүүрс нь эдийн засгийн хувьд хэмнэлттэй, үйлдвэрлэх үнэ одоогийн сайжруулсан түлшнээс 62 хувиар бага байна;

-Агаарын бохирдол 60-80 хувь буурах боломжтой;

-Нүүрсний хог хаягдлаас 100 мвт эрчим хүч үйлдвэрлэнэ;

-Эдийн засгийн хувьд үр ашигтай, 8 жилийн дотор зардлаа нөхөх боломжтой гэсэн тооцоолол гарсан

-Химийн бодисын түүхий эдийг дотооддоо үйлдвэрлэх боломжтой болно

-1000 гаруй хүний ажлын байр бий болох зэрэг олон давуу талтай юм.