Хятадын эрх баригчид дотоодын бензин, дизель түлшний жижиглэнгийн үнийг нэмэхээр шийдвэрлэсэн тухай тус улсын Хөгжил, шинэчлэлийн хэрэг эрхлэх хорооны цахим хуудсанд мэдээлжээ.
Тодруулбал, гуравдугаар сарын 24-нөөс эхлэн нэг тонн бензиний үнэ 1 160 юаниар (168 ам.доллар), дизель түлшний үнэ 1 115 юаниар (161 ам.доллар) нэмэгдэнэ. Бүс нутгуудын зохицуулалтаас хамааран нэг тонн бензиний үнэ 10 415-10 855 юань (1 509-1 573 ам.доллар), дизель түлшний үнэ 9 460–9 800 юань (1 371-1 420 ам.доллар) болох аж.
Хятадад одоо мөрдөгдөж буй шатахууны үнийг төрөөс зохицуулах бодлогын дагуу хэрэв дэлхийн зах зээл дээрх газрын тосны ханшийн өөрчлөлт нь дотоодын зах зээл дээр нэг тонн шатахууны үнийг 50 гаруй юаниар нэмэгдэх эсвэл буурахад хүргэж, ийм нөхцөл байдал ажлын 10 хоногийн турш үргэлжилсэн тохиолдолд бензин, дизель түлшний үнийг тохируулдаг байна.
Эрх баригчдын олгож буй татаасаас шалтгаалан Хятадын бүс нутгуудад бензин, дизель түлшний үнэ ялгаатай байдаг. Хамгийн өндөр үнийг Чэндү хотод, хамгийн хямд үнийг Шинжаан Уйгурын өөртөө засах оронд тогтоосон байна.
Өмнөх үнийн өсөлтийн тохируулгыг гуравдугаар сарын 10-нд хийжээ.
