Монгол Улсын Ерөнхий сайдын ивээл дор хэрэгжиж буй “Цахимд ч найз байя” үндэсний нөлөөллийн аяны нээлт Сэлэнгэ аймагт болж байна.
Энэхүү аян нь хүүхэд, өсвөр үеийнхнийг цахим орчин дахь үе тэнгийн дарамт, дээрэлхэл, ялгаварлан гадуурхалтаас урьдчилан сэргийлэх, тэдний аюулгүй байдлыг хангах, эерэг харилцаа, хариуцлагатай цахим хэрэглээний соёлыг төлөвшүүлэх зорилготой юм.
“Цахимд ч найз байя” үндэсний нөлөөллийн аяны гол зарчим нь хүүхэд хүүхдэдээ эергээр нөлөөлөх замаар өсвөр үеийнхний дунд итгэлцэлд суурилсан харилцааг бий болгож, мэдээллийг илүү хүлээн зөвшөөрөгдөх, бодит нөлөөлөл үзүүлэх хэлбэрээр түгээх давуу талтайгаараа онцлог юм.
Аяны хүрээнд сурагчид, эцэг эх, асран хамгаалагчид, багш, сурган хүмүүжүүлэгчдэд зориулсан мэдээ, мэдээлэл, зөвлөмж түгээх, сурагчдын дунд сошиал хөдөлгөөн, уралдаан тэмцээн зохион байгуулах, сургалт, нөлөөллийн үйл ажиллагааг зохион байгуулна.
Дээрх аяныг Сэлэнгэ аймгийн ЗДТГ, Сэлэнгэ аймгийн цахим шилжилт, үйлчилгээний хэлтэс, Дэлхийн Зөн Монгол Олон Улсын Байгууллага Сэлэнгэ салбар хамтран зохион байгуулж байна.
