БНХАУ-ын удирдагч Ши Жиньпин даваа гаригт Бээжин хотноо Беларусийн Ерөнхийлөгч Александр Лукашенкотой уулзах үеэрээ тус улсын бүрэн эрхт байдал, тусгаар тогтнол, нутаг дэвсгэрийн бүрэн бүтэн байдлыг хамгаалахад тууштай дэмжлэг үзүүлнэ гэдгээ мэдэгдсэн тухай Хятадын Гадаад хэргийн яамнаас мэдээлэв.

А.Лукашенко Хятадад айлчлахаасаа өмнөхөн буюу өнгөрсөн долоо хоногт ОХУ-ын Ерөнхийлөгч Владимир Путинтэй хэлэлцээ хийсэн юм.

Энэхүү уулзалт нь Беларус, Украины хооронд хурцадмал байдал даамжирч буй үед болж байна. Украины Ерөнхийлөгч В.Зеленськийн үзэж байгаагаар, В.Путин А.Лукашенког Украины дайнд ОХУ-д үзүүлэх дэмжлэгээ нэмэгдүүлэхийг ятгахыг оролдож байгаа аж.

Түүнчлэн Хятад улс Беларусийн хөгжил, бүтээн байгуулалтад өөрийн боломж бололцооны хүрээнд үргэлжлүүлэн тусламж дэмжлэг үзүүлэхэд бэлэн байгааг Ши Жиньпин илэрхийлжээ. 

Хятад-Беларусийн харилцаа "түүхэн дэх хамгийн дээд түвшиндээ" хүрээд байна гэж Беларусийн Ерөнхийлөгчийн тамгын газрын Telegram сувагт мэдээлсэн байна.

Reuters