Төрийн аудитын байгууллагаас Газрын тухай хууль, Газрын төлбөрийн тухай хуулийн хэрэгжилт, үр нөлөөнд  хийх аудитыг эхлүүллээ.  Нэгдсэн удирдамжаар хийх уг аудитын нээлтийг Нийслэл дэх Төрийн аудитын газрын захирал, Тэргүүлэх аудитор Г.Нандинжаргал хийж,  аудитын зорилго, хамрах хүрээ, төлөвлөгөө болон аудитын явцад анхаарах асуудлуудыг танилцууллаа.

Аудитад Нийслэлийн Иргэдийн Төлөөлөгчдийн Хурал, Нийслэлийн ЗДТГ, Газар зохион байгуулалт, геодези, зураг зүйн ерөнхий газар, Татварын ерөнхий газар, нийслэл болон дүүргийн газрын алба зэрэг холбогдох байгууллагуудыг хамруулж байна.

Аудитын үр дүнд газрын харилцаа, газрын төлбөрийн талаарх хууль тогтоомжийн хэрэгжилт, төрийн байгууллагуудын хяналт, зохицуулалтын үр нөлөөг үнэлж, цаашид хэрэгжүүлэх шаардлагатай арга хэмжээний талаар дүгнэлт, зөвлөмж гаргана. Энэ хүрээнд дээрх байгууллагуудын 2025 оны үйл ажиллагааны төлөвлөгөө, тайлан, холбогдох бусад баримт бичиг, хэрэгжүүлж буй арга хэмжээний хэрэгжилт, үр нөлөөг үнэлэх юм гэж Төрийн аудитын газраас мэдээллээ.