Монгол кино өнөөдөр асуулт тавьдаг урлаг байхаа больж, аюулгүй контент үйлдвэрлэх салбар болон хувирч байна. Төр киноноос айхаа больсон нь сайн хэрэг. Харин кино өөрөө үнэнээс айдаг болсон нь хамгийн том асуудал.

Яг үнэндээ төсвийн, төрийн албаны цалинг ингэж 30 хувь, 50 хувиар өм цөм нэмж байсан тохиолдол урьд өмнө байгаагүй. Багш, эмч нарын хувьд цалингаа бодитоор нэмүүлж байгаа анхны тохиолдол. Төсвийн бүх зардлаа танаад, зөвхөн багш, эмч нарын цалингийн нэмэгдлийг олгохоор болсон.

Алтанбулагийн чөлөөт бүсийн маш хямд, брэнд архинд хэрэглэгчид амиа алдвал хэн хариуцлага хүлээх вэ?

Г.Занданшатарын хувьд байгуулагдаад удаагүй танхимынхаа сайд нарыг ойр ойрхон сэлгэх нь улс төрийн хувьд хохиролтой байж болох ч түүнээс наана, нэн тэргүүнд нь улс орны, иргэдийн нийтийн эрх ашиг гэж бий.

Д.Трампын санаачилсан “Энхийн зөвлөл”-д (Board of Peace буюу олон улсын хэвлэлүүдэд егөөдөн бичиж байгаагаар “өөр нэг НҮБ”) хандах санаатай эл нийтлэлээ бичлээ. Олон улсын Засгийн газар хоорондын нэгэн шинэ байгууллага байгуулж байгаа, тэр байгууллага нь “2026 он. Давос” гэж огноолох болж байх шиг.

Гол буруутан болоод байгаа зуухны ТЭЗҮ-ийг хийсэн өртөг 2019 онд 75 сая ам.доллар байсан бол 2024 онд хийсэн ТЭЗҮ-ээр 90 сая ам.доллар болж өсчээ. Энэ нь өнөөдрийн ханшаар 360 тэрбум орчим төгрөг. Гэтэл Н.Тавинбэх нарын авилгын мөнгө эхний байдлаар 400 тэрбумаар тоологдож байна. 

1911 оны Богд хаант Монгол улсын газрын зургийг үзэхэд тэр үеийн Монгол улс 3.3 сая квадрат км газар нутагтай, Өвөр Монгол, Тувагийн газар нутаг монголын нутагт харьяалагддаг байсан нь харагддаг. Богд хаант Монгол улсын газрын зураг бүхэлдээ зүрх хэлбэртэй, дээшээ цүндийж харагддаг байсан бол одоо дээрээсээ өм өм авхуулсан сэмэрчихсэн сархинаг шиг харагддаг болжээ. Ийм болсон нь тувачуудын тарьсан балаг юм. Уг нь тува гэж байгаагүй, харин урианхайчууд гэж байсан юм.

AI гэдэг чинь автомат камер биш, камерийг ашиглаж мэдээллийг боловсруулж байгаа тархи юм. Юмыг хийвэл хийсэн шиг хийж суръя. Хийж чадахгүй бол байгаа юмаа байгаагаар нь нэрлэж суръя.

Сүүлийн хорь, гучин жил л бид зөвхөн хүнтэй тэмцлээ. Халлаа, солилоо, сонгож үзлээ, шорон орон луу ч явууллаа. Оронд нь яг адилхан "амьтан" гарч ирээд яг л араас нь орж байна. Тийм болохоор хүндээ биш, тогтолцоондоо байна гэдгийг одоо нэг нийтээрээ хүлээн зөвшөөрөх цаг болж. 

Манай цахим ертөнцийг бүрдүүлж буй хаягуудын дор хаяж гуравны хоёр нь хуурамч байх гээд байна. Бидний бүх үзэл суртал итгэж найдах боломжгүй хов хоосон зүйл болж таарлаа. 

Тогтолцооны хувьд капиталист нийгэмд шилжээд гуч гаруй жил өнгөрсөн авч Монголын нийгмийн иргэдийн олонхийн ойлголт ухамсар нь хоцрогдсон, төөрөлдсөн, будилсан, гомдож гутарсан, эсэргүүцсэн, зарим нь бүр үзэн ядсан, дайсагнасан хэвээр. Урьдын тогтолцоо эдийн засгийн гэхээсээ үзэл суртлын албадлагын хамтралч нийгэм байлаа. Үнэндээ социалист, марксист гэхээсээ марксизм-ленинизм гэж албан ёсоор нэрэлсэн, жинхэнэдээ ленинист, сталинист хүчирхийллийн тогтолцоо байсан юм.

Ираныг ЕАЭС-д элсүүлэх санал санаачилгаа гишүүн орнууд нь өөрсдөө илэрхийлсэн, тэр нь эдийн засгийн гэхээсээ геополитикийн өнцгөөс яригдах, хэрэв тэгж авч үзэх аваас Иран нь ЕАЭС-ийн төдийгүй ШХАБ-ын гишүүн байх учиртай. ЕАЭС-ийн гишүүд нь хуучин Зөвлөлтийн орон зайд СССР сэргэхээс сэргийлж, аль болох хуучин зөвлөлтийн биш орнуудаар эгнээгээ тэлэх хүсэлтэй, түүнд Иран бэлээхэн түнш гэж харагджээ. 

ОХУ-ын нийслэл Москва хотын Басманы шүүх Москва хотын оршин суугч, халимаг монгол үндэстэн 58 настай Эдуард Балтыковыг баривчиллаа гэсэн мэдээллийг олон улсын Хүний эрхийн байгууллагууд мэдэгдлээ. Балтыковт алан хядах байгууллагын ажиллагаанд оролцсон гэсэн зохиомол хэрэг тулгажээ.

"Иргэдийн амьдрах эрүүл, аюулгүй орчныг бий болгоно" гэж амлаж гарч ирчихээд одоо гэтэл тэрийгээ маниусаар шийдүүлээд оноо өгөх юм гэнэ. Тэгвэл бид тэднийг сонгох ямар хэрэгтэй юм.

Х.Нямбаатарын оронд хэнийг томилох вэ? гэдэг нэгдүгээр асуудал биш. Харин Х.Нямбаатарыгаа буулгаж чадах уу, үгүй юу гэдэг л МАН-ын, Засгийн газар, Ерөнхий сайдын толгой өвдөх асуудал болоод байна.

Цаасан мөнгө нь эдүгээ цагт гүйлгээний зориулалтаа улам бүр алдаж, улс орнуудын түүх, соёлоо сурталчилах хэрэглүүр болж хувирч байна. Сүүлийн үед шинэчлэгдэн хэвлэгдэж буй мөнгөн дэвсгэртүүдийн хандлага ч үүнийг гэрчилнэ. Монгол Улс маань ч бас алдарт зохиолч, соён гэгээрүүлэгчдийнхээ гэгээн дүрийг мөнгөн дэвсгэрт дээрээ залах цаг болжээ. Миний санахаар орчин цагийн монгол утга зохиолын хэлийг хөгжин төлөвшихөд гол нөлөө үзүүлж, цаг төрийн хэрэгт хүчээ өргөсөн Дашдоржийн Нацагдоржийн дүрийг аль нэг мөнгөн дэвсгэрт дээр залахад буруудах зүйлгүй мэт.

Бүх зүйлийг улс төрийн өнцгөөр харж болохгүй. Хэрвээ улс орны эрх ашиг ярих гэж байгаа бол тэр нь лав МАН-ын бодлого, үзэл суртлаас ангид байх ёстой. Эхний том төсөл дээрээ бид унавал цаашид Монголд хөрөнгө оруулах тухай ямар ч яриа байхгүй болно.

Хамгийн сонирхолтой нь сайд нарт чинь ч, танай намынханд ч таныг он удаан жил, УИХ-ын 2028 оны сонгууль хүртэл Засгийн эрхийг барина гэсэн итгэл бөх биш байна. “Итгэлгүй нийгэм дээрх эх орон гэж байдаггүй” гэж та өөрөө хэлсэн. Таны хийх ажил, хандах зүг энэ.

Бид заримдаа орчуулгаар биш ч, үндсэн монгол нэршлүүдийг хооронд нь хольж ойлголт ухагдахууны төөрөгдөл бий болгодог. Хэрээ, турлиах, алагтуу гурвыг, боршув уу, болжмор, бялзуухай гурвыг хооронд нь ялгалгүй дуртайгаараа нэрлэнэ. Үнэндээ шал өөр шувууд. Үүнтэй адил хөх ба цэнхэр, бор ба хүрэн, бөөрөнхий ба дугуй...? Харьцаа, харилцаа гэсэн шал өөр утгатай үгийг холиод “бэлгийн харьцаа” гэхээр эрхтнээ өөр нэгнийхтэй харьцуулж хэмжээд байгаа юм шиг? Үндэстний гэдгийг ч “үндэсний” гээд бараг дасчих шив дээ. Ганцхан Нэгдсэн үндэстний байгууллагын нэр л зөвөөрөө үлдэж. “Аугаа” гэдэг нь хүчирхэг, гарамгай, уужим, өгөөмөр, гэрэлт, эрчимт гэсэн утгатай, герег гаралтай үг. “Агуу” гэдэг бол том хөндий нүх, эндээс агуй, агуулах гэдэг үгс үүсчээ.

Үндсэн хууль дээд хэм хэмжээ мөн бол хүний эрх, түмний хүсэл мөрөөдөл няцаагдашгүй байж, түүний баталгааг дээд үнэт зүйл болгон тогтоохоос аргагүй. Улмаар энэхүү дээд үнэт зүйлдээ төрийн байгуулал, түүний удирдлага, эрх мэдэл, нийгэм, эдийн засгийн харилцааг нийцүүлэн бүтээх нь зүй ёс аж.