Дэлхий
Палм Спрингст үр тогтоох эмнэлгийг онилсон автомашины дэлбэрэлт террорист халдлага байжээ
АНУ-ын Калифорни мужийн Палм Спрингс хотод орших үр тогтоох эмнэлгийн ойролцоо гарсан автомашины дэлбэрэлтийг Холбооны мөрдөх товчоо “террорист халдлага” гэж тодорхойллоо. Дэлбэрэлт 11 цагийн орчимд (орон нутгийн цагаар) болсон бөгөөд дэлбэрэлтийн улмаас сэжигтэн нас барж, дөрвөн хүн шархадсан байна. Шархадсан хүмүүсийг эмнэлэгт хүргэж эмчилгээ хийсний дараа гаргасан бөгөөд одоогоор дахин аюул учрах эрсдэлгүй хэмээн албаныхан мэдэгджээ.
2025-05-19
Жо Байденд түрүү булчирхайн хорт хавдар оношлогджээ
АНУ-ын ерөнхийлөгч асан Жо Байденд түрүү булчирхайн хорт хавдрын хожуу шат оношлогдсон тухай түүний албанаас Ням гарагт мэдэгдлээ. Оношлогоогоор хавдар ясанд тархсан бөгөөд "дээд зэргийн хүнд хэлбэрийн", түргэн тархах магадлалтай хэмээн тодорхойлжээ. Хорт хавдрын түвшин нь Глисон оноогоор 9/10 гэж үнэлэгдсэн байна.
2025-05-19
Гал зогсоох хэлэлцээ эхэлснийг ХАМАС баталжээ
ХАМАС-ын өндөр албан тушаалтан Тахер аль-Нунугийн мэдэгдсэнээр, энэ удаагийн хэлэлцээ аль аль талаас ямар нэгэн нөхцөл болзол тавихгүйгээр эхэлсэн бөгөөд хэлэлцээний үеэр бүх асуудлыг хэлэлцэхэд нээлттэй байгаа гэжээ.
2025-05-19
АНУ Орос-НАТО-гийн Зөвлөлийг сэргээх саналыг дэвшүүлжээ
Bloomberg агентлагийн мэдээлснээр, АНУ-ын Ерөнхийлөгч Дональд Трампын засаг захиргаа Орос-НАТО-гийн Зөвлөлийн хүрээнд аюулгүй байдлын хэлэлцээг дахин эхлүүлэх саналыг дэвшүүлжээ. Энэхүү санаачилгыг нэрээ нууцалсан эх сурвалжийн мэдээллээр, Орос-Украины дайныг тайван замаар зохицуулах АНУ-ын төлөвлөгөөнд тусгасан байна.
2025-05-16
Тайландын шүүх газар хөдлөлтөөр нурсан өндөр барилгатай холбоотой 17 хүний баривчлах шийдвэр гаргалаа
Тайландын нийслэл Бангкок хотод газар хөдлөлтийн улмаас нурсан 30 давхар барилгын хэрэгт холбогдуулан нийт 17 хүнд баривчлах шийдвэрийг шүүхээс гаргасан байна. Тус барилга нь Төрийн аудитын газрын шинэ байр болохоор төлөвлөгдсөн байсан бөгөөд Мьянмарт энэ оны гуравдугаар сарын 28-нд болсон 7.7 магнитудын хүчтэй газар хөдлөлтийн чичиргээ Бангкокт мэдрэгдсэний дараа нуржээ.
2025-05-16
Японд хүүхэд төрүүлэх зардлыг төр хариуцдаг болно
Японд төрөлт буурч байгаатай холбогдуулан тус улсын Эрүүл мэндийн яам ирэх оны дөрөвдүгээр сараас хүүхэд төрүүлэхтэй холбоотой зардлыг үнэ төлбөргүй болгохоор төлөвлөж байна.
2025-05-16
Энхийн хязгаарын ирмэг дээрх амьдрал: Энэтхэг, Пакистаны хил дагуух мөргөлдөөн дахин хурцадлаа
Энэтхэг, Пакистаныг заагладаг маргаантай бүс болох Хяналтын шугам (LoC) дагуу амьдарна гэдэг нь байнгын айдас, зөрчилтэй зэрэгцэн орших амьдралыг илтгэнэ. Сүүлийн үед Паахалгамд болсон халдлагын дараах хурцадмал байдал хоёр улсыг дахин зөрчилдөөний ирмэгт аваачив. Хоёр тал харилцан их буугаар гал нээж, энгийн иргэдийн амь нас хохирч, гэр орон нурж, тоо баримтад шилжлээ. Энэтхэгийн талаас дор хаяж 16 хүн амь үрэгдсэн бол Пакистан 40 энгийн иргэн амиа алдсан гэж мэдэгдсэн ч бодит шалтгаан бүрэн тодорхойгүй байна.
2025-05-16
АНУ-тай цөмийн хэлэлцээр байгуулахад бэлэн гэдгээ Ираны тал илэрхийлжээ
Тодорхой нөхцөлүүдийн үндсэн дээр эдийн засгийн хориг арга хэмжээгээ цуцалсны хариуд АНУ-ын Ерөнхийлөгч Дональд Трамптай цөмийн хөтөлбөрийн асуудлаарх гэрээнд гарын үсэг зурахад бэлэн байгаагаа Ираны тал мэдэгджээ.
2025-05-16
АНУ-ын өндөр албан тушаалтны хэлснээр энхийн хэлэлцээрээс ихийг хүлээхгүй байна
АНУ-ын Төрийн департаментын өндөр албан тушаалтан, сенатор Марко Рубио Украин, Оросын энхийн хэлэлцээр Туркт болох чухал уулзалт болно гэдэгт өндөр найдлага тавихгүй байгаагаа мэдэгдлээ. Тэрээр уг асуудлаар ахиц гаргахын тулд Дональд Трамп, Владимир Путин нар биечлэн уулзах шаардлагатай гэж үзэж байна.
2025-05-16
“Baidu” робот такси үйлчилгээгээ Европт нэвтрүүлнэ
Хятадын технологийн “Baidu” компани “Apollo Go” робот таксины үйлчилгээгээ энэ онд Европт нэвтрүүлж бизнесээ өргөжүүлэхээр төлөвлөж байгаа тухай эх сурвалж мэдээлжээ.
2025-05-16
Трампын Персийн булан дахь анхны гадаад айлчлалд дэлхийн хэвлэлүүд ийнхүү хандлаа
АНУ-ын Ерөнхийлөгч Дональд Трамп хоёр дахь бүрэн эрхийнхээ анхны гадаад айлчлалыг Персийн булангийн орнуудад хийж байгаа нь олон улсын анхаарлыг татлаа. Саудын Араб, Катар, АНЭ-д дөрөв хоногийн хугацаатай хийх уг айлчлал аюулгүй байдлын асуудал бус зөвхөн эдийн засгийн гэрээ, хөрөнгө оруулалтын хэлэлцээрт төвлөрч байгаа нь хэвлэлүүдийн нийтлэг анхаарал хандуулсан сэдэв болж байна.
2025-05-15
Солонгосын ерөнхийлөгчийн сонгуулийн өрсөлдөөнд Ли Жэ Мён давамгайлж байна
Өмнөд Солонгост 2024 оны ерөнхийлөгчийн сонгуулийн өмнөх санал асуулгаар Ардчилсан намаас нэр дэвшигч Ли Жэ Мён 49 хувийн саналтайгаар тэргүүлж байгаа талаар Пүрэв гарагт нийтэлсэн дүн харуулжээ. Түүний гол өрсөлдөгч болох эрх баригч “Ардын хүч” намын (АХН) нэр дэвшигч Ким Мүн Сүг 27 хувийн санал авч хоёрдугаарт бичигдсэн байна.
2025-05-15
ОУВС Пакистанд тусламж үзүүлснийг Энэтхэг эсэргүүцэж байна
Өнгөрсөн долоо хоногт Олон улсын валютын сан (ОУВС) Пакистан улсад нэг тэрбум ам.долларын санхүүжилт баталсан нь Энэтхэгийн хурц шүүмжлэлтэй тулгарлаа. Цөмийн зэвсэгтэй хөрш хоёр орны харилцаа хурцадсан үед АНУ тэргүүлсэн гэнэтийн гал зогсоох шийдвэр гарсан юм.
2025-05-15
Путин Истанбул дахь энхийн хэлэлцээнд оролцохгүй
ОХУ-ын Ерөнхийлөгч Владимир Путин Украинд өрнөж буй дайны асуудлаарх Истанбулын энхийн хэлэлцээнд оролцох хүмүүсийн дунд багтаагүй гэж Кремль мэдээлэв. Оросын төлөөлөгчдийг Ерөнхийлөгчийн туслах Владимир Мединский ахлан оролцоно.
2025-05-15
Трамп Саудын Арабтай зэвсэг болон хөрөнгө оруулалтын түүхэн гэрээ байгууллаа
АНУ-ын Ерөнхийлөгч Дональд Трамп Саудын Арабын угсаа залгамжлах хунтайж Мухаммед бин Салмантай Эр-Рияд хотноо уулзаж, хоёр орны стратегийн түншлэлийг бэхжүүлэх зорилготой хөрөнгө оруулалт, зэвсгийн худалдааны томоохон хэлэлцээр байгууллаа.
2025-05-14
Грекийн Касос арлын орчимд хүчтэй газар хөдөлж, цунамийн аюулын сэрэмжлүүлэг гаргалаа
Грекийн Эгийн тэнгист орших Касос арлын ойролцоо тавдугаар сарын 14-ний шөнө 5.9 магнитудын хүчтэй газар хөдөлж, далайн эрэг орчмоос яаралтай нүүхийг оршин суугчдад анхааруулсан байна. Уг газар хөдлөлтийн төв нь Касосоос 48 км-ийн зайд, 83 км-ийн гүнд байгааг Германы геологийн судалгааны төв мэдээлжээ.
2025-05-14
Макрон Европт Францын цөмийн зэвсэг тээвэрлэгч онгоц байрлуулах хэлэлцээнд бэлэн гэдгээ мэдэгдлээ
Францын Ерөнхийлөгч Эммануэл Макрон тус улсын цөмийн зэвсэг тээвэрлэгч нисэх онгоцуудыг Европын Холбооны (ЕХ) орнуудад байрлуулах боломжийн талаар “хэлэлцэхэд бэлэн” гэдгээ мягмар гарагийн орой TF1 телевизэд өгсөн ярилцлагадаа мэдэгдлээ.
2025-05-14
Туркт болох Орос–Украины хэлэлцээнд АНУ-ын Төрийн нарийн бичгийн дарга Марко Рубио оролцоно
АНУ-ын Ерөнхийлөгч Дональд Трамп Саудын Арабт хийж буй айлчлалынхаа үеэр Туркт болох Орос, Украины төлөөлөгчдийн хэлэлцээнд АНУ-ын Төрийн нарийн бичгийн дарга Марко Рубио оролцохоо баталлаа. Хэлэлцээ энэ долоо хоногийн сүүлчээр, магадгүй тавдугаар сарын 16-нд буюу пүрэв гарагт Истанбул хотод болох төлөвтэй байна.
2025-05-14
Уругвайн Ерөнхийлөгч асан Хосе “Пепе” Мухика 89 насандаа таалал төгслөө
Уругвайн зүүний үзэлт нэрт удирдагч, Ерөнхийлөгч асан Хосе “Пепе” Мухика 89 насандаа таалал төгссөн тухай тус улсын одоогийн Ерөнхийлөгч Яманду Орси мягмар гарагт мэдээллээ. Тэрбээр “Эртний анд, удирдагч, тэмцэгч, чиглүүлэгч минь Пепе таалал төгслөө. Бид чамайг үгүйлнэ” хэмээн X (хуучнаар Twitter) хуудсандаа бичжээ.
2025-05-14
ОУЭШ-д саатуулагдсан экс Ерөнхийлөгч Р.Дутерте төрөлх хотынхоо даргаар дахин сонгогдох нь тодорхой боллоо
Филиппиний Ерөнхийлөгч асан Родриго Дутерте Нидерландын Хааг хотод байрлах Олон улсын эрүүгийн шүүх (ОУЭШ)-д хүн төрөлхтний эсрэг гэмт хэргийн хэргээр саатуулагдаад байгаа ч төрөлх хот Даваогийн даргын сонгуульд үнэмлэхүй ялалт байгуулж байгаа нь албан бус дүнгээр тодорхой болоод байна.
2025-05-14
