Герман, Польш, Швед улсууд Оросын гурван дипломатчийг зохицуулсан журмаар хөөн зайлуулахаа мэдэгдэв. Орос улс өнгөрсөн долоо хоногт болсон эсэргүүцлийн жагсаалын үеэр сөрөг хүчний удирдагч Алексей Навальныйг шоронд хорьсон асуудалд хяналт тавьсан хэмээн дээрх гурван улсын дипломат ажилтнуудыг хөөх тухай шийдвэр гаргасан байсан. Хариуг ийн барьж байгаа аж.
Москвагийн энэ үйл ажиллагааг шинжээчид илүү ноцтой гэж дүгнэсэн бөгөөд Европын холбоо болон түүний гадаад бодлогын тэргүүнийг доромжилсон гэх агуулга яригдаж буй юм.
Европын албан тушаалтан Хосеп Боррелл Фонтелесийн айлчлал ноён Навальныйд ял оноосноос хоёр хоногийн дараа болсон тул эхнээсээ маргаантай байв. Ноён Боррелл энэ аялалыг худалдааны чухал түнш болох ОХУ-тай сайн харилцаа тогтоох чухал хүчин чармайлт, мөн ноён Навальныйг суллахыг Европын шаардлагыг биечлэн илэрхийлэх боломж гэж хамгааллаа.
Гэхдээ зарим гишүүн орнууд, Польш, Балтийн тэнгисийн орнууд айлчлал хийсэн энэхүү цаг хугацааг тохиромжгүй үе байсан гэж үзсэн. Ноён Боррелл ноён Навальныйд зочлоогүй, өөрийгөө хэрхэн авч явж байгаа нь, ялангуяа ОХУ-ын Гадаад хэргийн сайд Сергей В.Лавровтой хийсэн хэвлэлийн бага хурлын үеэр шүүмжлэлд өртсөн юм.
Б.Бүжлхамаа
www.nytimes.com
