ЕХ-ны гишүүн улсууд болох Унгар, Польш орнууд Европын Хууль зүйн шүүхэд гишүүн орнуудын хүрээнд "хууль дээдлэх ёс"-ыг хүндэтгэн санхүүжилт олгох нөхцлийг тусгасан төсвийн заалтын талаар өргөдөл гаргасан. ЕХ-ны 2021-2027 оны төсөв, өнгөрсөн зун батлагдсан цар тахлын эсрэг 750 тэрбум еврогийн тусламжийн багцад тусгасан энэхүү заалт нь Будапешт, Варшавыг дургүйцүүлж, бэлэн мөнгөөр тоглолт хийх нь зөвхөн эдийн засгийн гол зорилтуудыг хэрэгжүүлэхтэй холбоотой байх ёстой гэж үзжээ.  

Улс орныхоо "либерал биш ардчилал"-аар байнга сайрхдаг Унгарын Ерөнхий сайд Виктор Орбан олон жилийн турш бие даасан шүүх засаглал руу дайрч, хэвлэл мэдээллийн хэрэгслийг боомилсонтой холбогдуулан ЕХ-той зөрчилдөж байсан. Үүний зэрэгцээ Польшийн Ерөнхийлөгч Анджей Дуда болон түүний эрх барьж буй Хууль ба Шударга ёс нам консерватив Польшийн засгийн газар ардчилсан зарчмуудыг устгаж, ЛГБТQ нийгэмлэгийг ялгаварлан гадуурхаж байгаатай холбогдуулан Брюссельтэй зөрчилдөв.

Энэхүү гомдол нь шүүхээр дамжин өнгөрч байгаа бөгөөд энэ үйл явц нь хоёр жил хүртэл үргэлжилж магадгүй юм. Энэ тивд хэрэг төвөг нэмэгдэж, вакцины ажил удаашралтай байгаа тул Европ тивд нэн шаардлагатай байгаа зарим сангуудын зарцуулалтыг хойшлуулах болжээ. 

Б.Бүжлхамаа