Их Британи, Канад, АНУ, Европын холбоо Шинжаан дахь уйгур, лалын шашинтнууд болон бусад цөөнх үндэстнүүдийн хүний эрхийг зөрчиж байгаад Хятадын эрх баригчдад шийтгэл ногдууллаа.
Энэхүү алхамууд нь Аляскад АНУ, Хятадын өндөр албан тушаалтнуудын хооронд болсон халуухан уулзалтаас хойш хэдэн өдрийн дараа хийгдэж байна. Энэ нь үндэстнүүд болон Бээжингийн хоорондох хурцадмал байдлыг улам ихэсгэх магадлалтай болжээ.
Австрали улс НҮБ-ын лавлагаа, засгийн газартаа Шинжаан дахь албадан хөдөлмөрөөс ашиг олохгүй байхыг баталгаажуулах саналыг хэлэлцэж байна.
АНУ Шинжааны хоёр албан тушаалтны хөрөнгийг царцааж, тус бүс нутагт албадан хөдөлмөр хийлгэх лагерьт хоригдож байсан хүмүүсийг суллахыг уриалав. АНУ-ын Төрийн нарийн бичгийн дарга Антони Блинкен Хятадын удирдлага "Шинжаан дахь геноцид болон хүн төрөлхтний эсрэг гэмт хэрэг үйлдсээр байна" гэлээ.
Европын холбоо Шинжаан дахь дөрвөн албан тушаалтныг онилж, сүүлийн хорь гаруй жилийн хугацаанд анхны томоохон хориг арга хэмжээг Хятадад авав.
Харин Бээжин тэр даруй хариу арга хэмжээ авч, Европын холбооноос Хятадад чиглэсэн бодлого дээр ажилладаг Европын 10 албан тушаалтныг хар жагсаалтад оруулав. Хятадын засгийн газар хүчирхийллийн хэргийг няцааж байгаа бөгөөд хэт даврагч үзэлтэй тэмцэхийн тулд хуаран байгуулах шаардлагатай гэж мэдэгджээ.
Нөгөөтэйгүүр хөрсөн дээр цөллөгөөс гарсан Уйгурын гэр бүлүүд, улсын асрамжийн газарт үлдэхээс өөр аргагүй байдалд ороод байгаа, 5 настай хүүхдүүдээсээ салж байгаагаа дүрсэлсэн гэж Эмнести Интернэшнл байгууллагын саяхны тайланд дурджээ.
Б.Бүжлхамаа
www.apnews.com
