Өнгөрсөн бямба гариг Мьянмар улсын хувьд Хоёрдугаар сарын 1-ний цэргийн эргэлтээс хойшхи хамгийн их цус асгаруулсан эсэргүүцлийн өдөр болжээ.
Мьянмар, Тайландад байрладаг хүний эрхийн байгууллага болох Улс төрийн хоригдлуудад туслах нийгэмлэгээс аюулгүй байдлын хүчнийхэн 90 гаруй хүнийг буудан хөнөөснийг баримтжуулсан гэж мэдэгджээ.
Харин Мьянмарын олон нийтийн дунд алдаршсан мэдээллийн сайт 114 хүн амиа алдсан гэж мэдээлсэн байна.
Хорь гаруй хотод эсэргүүцлийн хөдөлгөөн цус урсгасан тэмцлээр дууссан байна.
"Өнөөдөр бол зэвсэгт хүчний хувьд ичгүүртэй өдөр" гэж Мьянмарын засгийн газрыг төлөөлж байгаа доктор Саса мэдэгдэлдээ дурджээ. Мьянмар дахь АНУ-ын элчин сайд Томас Важда "Аюулгүй байдлынхан зэвсэггүй энгийн иргэд, тэр дундаа хүүхдүүдийг хөнөөж байна" гэж мэдэгдэж, тэр цус урсгасан үйл явдлыг "аймшигтай" гэж онцлов.
Аюулгүй байдлын албанаас ням гаригт оршуулах ёслол дээр гал нээсэн гэж гэрчүүдээс иш татан Ройтерс мэдээлсэн байна.
Төрийн эргэлтээс хойш Мьянмарын цэргийнх гэж танигдсан Татмадав нь 420 гаруй хүний аминд хүрч, мянга мянган хүнд халдаж, хорьж, эрүүдэн шүүжээ.
Б.Бүжлхамаа
www.nytimes.com
