Хятад улс Хонконгийн сонгуулийн системд гүнзгийхэн гар дүрж, сонгуулийн тогтолцоог өөрчиллөө. Ингэснээр тус улсын Үндэсний аюулгүй байдлын байгууллагуудад хэн нэр дэвшиж болох талаарх асар их эрх мэдэл Хятадад очлоо.
Үүний үр дүнд нь Хонконгийн ардчиллын төлөөх сөрөг хүчинд ирэх жилүүдэд уяатай нохой шиг олигтойхон хуцах ч боломж өгөхгүй нь.
Мягмар гаригт Коммунист намын хяналтанд байдаг Үндэсний Ардын Их Хурлын хорооноос Бээжин хотод хууль эрх зүйн олонхи болохын тулд тус өөрчлөлтийг батлав. Бээжин болон түүний сонгосон орон нутгийн удирдагчид одоо сөрөг хүчинд нэр дэвшигч Хятадыг шударга бус гэж үзвэл хаах асар их хүч чадалтай болжээ.
Яаж вэ гэхээр шууд сонгогдсон суудлын эзлэх хувийг хагас байсныг дөрөвний нэгээс бага хувь болгон бууруулсан байна. Хууль тогтоох байгууллагын 90 гишүүнээс 40 суудлыг Бээжинг дэмжигч байгууллага болох сонгуулийн хороо сонгох юм.
Хууль тогтоогч болох боломжтой бүх нэр дэвшигчийг эхлээд Хонконгийн цагдаа болон хотын Үндэсний аюулгүй байдлын хороо шалгана. Тэдний тайланг шинэ шалгалтын хороонд өгөх бөгөөд шаардлага хангасан нэр дэвшигчийн шийдвэрийг шүүхэд давж заалдах боломжгүй аж.
Б.Бүжлхамаа
www.nytimes.com
