Pfizer-BioNTech ба Moderna-ийн үйлдвэрлэсэн вакцинууд нь дархлааг тасралтгүй өдөөхгүйгээр буюу хэсэг хугацааны дараа дахин тун авахгүйгээр коронавирусаас хамгаалахуйц дархлааны урвалыг тогтоосон гэж эрдэмтэд мэдээлэв.

MRNA технологит суурилсан вакцин хийлгэсэн хүмүүст дархлаа яг хэр удаан үргэлжлэх нь тодорхойгүй байгаа боловч насан туршид биш юмаа гэхэд ядаж хэдэн жил болох нь ээ. Ялангуяа коронавирусын халдвар авсныхаа дараа вакцин хийлгэсэн хүмүүст дархлаа тогтоц нь илүү удаан жилийн настай байна.

"Энэ нь вакцинаас бидний дархлаа хэр удаан тогтдогийн сайн шинж тэмдэг юм" гэж "Nature" сэтгүүлд хэвлүүлсэн судалгааны удирдагч Сент-Луис дахь Вашингтоны их сургуулийн дархлаа судлаач Али Эллебеди хэлжээ.

Судалгаанд өөр технологиор хийгдсэн учир Johnson&Johnson вакциныг хамруулаагүй аж.

Анхааруулга: Хэрэв вирус ба түүний хувилбарууд нь одоогийн хэлбэрээсээ хэт өөрчлөгдөхгүй бол хамгаалалт нь хамгийн найдвартай байдаг бөгөөд энэ нь баталгаатай биш юм. Насанд хүрэгчид, дархлал хомсдол бүхий хүмүүст өдөөгч хэрэгтэй байж магадгүй юм. 

Дэлхийн бусад хэсэгт ковидтой холбоотой:

• Албан тушаалтнуудын цуврал дараалсан бүтэлгүйтэлүүд, магадгүй тэдний ирэх хоёр дахь давалгаанд бэлтгэлгүй байгааг харуулж байна. Энэтхэг даяар эмнэлгүүдийг эмнэлгийн хүчилтөрөгчгүй хөсөр хаялаа.

• Австрали улсын хэд хэдэн хэсэгт кластер нэгэн зэрэг дэгдсэн бөгөөд ялангуяа Сиднейд дельта хувилбар хүчтэй тархлаа.

• Цагаач ажилчид удахгүй хүчин төгөлдөр болох үндэсний хөл хорио эхлэхээс өмнө Бангладешийн нийслэл Даккагаас дүрвэв.

• Дэлхийн эрүүл мэндийн байгууллагын албан тушаалтнууд бүрэн вакцин хийлгэсэн хүмүүс ч гэсэн маск зүүж байх хэрэгтэй гэж хэлсэн нь үндэсний олон эрүүл мэндийн байгууллагуудаас зөрж буй зөвлөгөө юм.

Б.Бүжлхамаа

www.nytimes.com