Цаг уурын өөрчлөлтөөс болж хамгийн ихээр хэлмэгдэх орнуудыг нэрлэжээ. Эдгээрт нэн түрүүнд ядуу орнууд багтсан байна.

АНУ-ын Индиана мужийн Нотр-Дамын их сургуулийн эрдэмтдийн баг дэлхийн 176  орны олон нийтэд нээлттэй эх сурвалжуудыг судалжээ. Судалгаагаар дэлхийн агаарын бохирдлын түвшний нөлөө ба  цаг уурын өөрчлөлтийн эрсдлийн мэдэгдэхүйц статистик холбоог олж тогтоосон байна. Хэрэв улс орон нь агаарын хорт бохирдлын эрсдэлд нэрвэгдээд эхэлбэл цаг уурын өөрчлөлтөд дасан зохицож, эсэргүүцэх нь маш хүндрэлтэй болох аж.

Дэлхийн хүн амын гуравны хоёр амьдардаг улс орнуудын гуравны нэг нь ядуу орнууд учраас ийнхүү тэрбум тэрбумаар хүмүүс эрсдэлд нэрвэгдэнэ. Эдгээр орнууд нь голчлон Африк ба Зүүн өмнөд Азид байгаа.

Өөрийн дүгнэлтэд тулгуурлан эрдэмтэд “зорилтод жагсаалт” гарган эрсдлийг бууруулах арга замыг заажээ. Үүний дагуу нэн түрүүнд анхааралд байх арван орны тоонд Сингапур, Руанда, Хятад, Энэтхэг, Соломоны  арлууд, Бутан, Ботсвана, Гүрж, Өмнөд  Солонгос, Тайланд нэрлэгдэв.

Жагсаалтын сүүлд, Экваторын Гвиней, Ирак, Иордан, Төв африкийн улс Венесуэла бичигдээд судлаачид эдгээр орнуудад захиргааны шийдэгдээгүй асуудлууд байгааг онцолжээ.

Хятад болон Энэтхэг зэрэг хүн ам олонтой орнууд агаарын хорт хаягдлаа бууруулах нь хөрш орнуудад нь ашиг тустай бас онцолж байна. Агаарын бохирдлыг бууруулах 2013 оноос хэрэгжүүлж байгаа Хятадын төлөвлөгөө нь маш өндөр сэтгэгдэл төрүүлэхээр үр дүнг өгч байгаа аж.

Энэ төлөвлөгөөг хэрэгжүүлж  эхэлснээс хойш агаар мандлын хорт хаягдлаа Хятад 40 хувиар бууруулж чадсаныг судалгаа харуулжээ.

М.ЦОГТ